حزب المجاہدین بھارتی یوم جمہوریہ کے موقع پر کلمظفرآباد میں بڑی احتجاجی ریلی منعقد کرے گی
ہفتہ 24 جنوری 2015 14:35
مظفرآباد(اُردو پوائنٹ تازہ ترین اخبار۔ 24 جنوری 2015ء)حزب المجاہدین بھارتی یوم جمہوریہ کے موقع پر پیر کو دارالحکومت مظفرآباد میں بڑی احتجاجی ریلی منعقد کرے گی بھارتی افواج کی جانب سے مقبوضہ کشمیر میں ڈھائے جانیوالے مظالم اور انسانی حقوق کی خلاف ورزیوں پر صدائے احتجاج بلند کی جائے گی شہید چوک اپر اڈہ میں ایک بڑے جلسہ عام سے چیئرمین متحدہ جہاد کونسل سید صلاح الدین سمیت جہادی قائدین خطاب کرینگے انتظامات کو حتمی شکل دے دی گئی گزشتہ روز مرکزی رہنماء حزب المجاہدین محمد اصغر رسول نے میڈیانمائندگان کو تفصیلات بتاتے ہوئے کہا کہ 26جنوری کو بھارت کے یو م جمہوریہ کے موقع کو یوم سیاہ کے طور پر منانے کیلئے با بائے حریت سید علی گیلانی کی کال پر دنیا بھر میں مقیم کشمیری 26جنوری بھارت کا یوم جمہوریہ یوم سیاہ کے طور پر منائیں گے احتجاجی ریلیوں اور جلسوں کا انعقاد کیا جائے گا اس سلسلہ میں حزب المجاہدین کے زیر اہتمام بیلہ نور شاہ سے دن 10بجے ایک بڑی ریلی کا انعقاد ہو گا ریلی کے شرکاء شہید چوک اپر اڈہ کے مقام پرجلسہ میں شریک ہونگے جہاں چیئرمین متحدہ جہاد کونسل و امیر حزب المجاہدین سید صلاح الدین احمد جلسہ کے شرکاء سے خطاب کرینگے ریلی کے انتظامات کی تیاریاں مکمل کر لی گئی ہیں احتجاجی ریلی کے ذریعے بھارت کے نام نہاد یوم جمہوریہ کے موقع پر جموں وکشمیر میں بھارتی مظالم کو دنیا کے سامنے نمایاں کیا جائے گا ان کا کہنا تھا کہ دنیا کی سب سے بڑی جمہوریت کا نام نہاد دعویدار بھارت کشمیریوں کو ان کا پیدائشی حق نہیں دے رہا کشمیری اپنے حق کی خاطر گزشتہ کئی سالوں سے قربانیاں دیتے آ رہے ہیں جس کا تسلسل جاری و ساری رہے گا -علاوہ ازیں پاسبان حریت جموں وکشمیر نے حز ب المجاہدین کے زیر اہتمام بھارتی یوم جمہوریہ کے موقع پر احتجاجی ریلی میں بھرپور شرکت کا اعلان کر دیا سینکڑوں کارکنان اس موقع پر بھارت کیخلاف سراپا احتجاج ہونگے گزشتہ روزتنظیم کے سیکرٹری جنرل عثمان علی نے میڈیا سے گفتگو کرتے ہوئے کہا کہ بھارت مقبوضہ کشمیر میں انسانی حقوق کی سنگین پائمالیوں میں ملوث ہے ایک طرف جمہوری ملک ہونے کا دعویدار دوسری جانب جموں وکشمیر میں بسنے والے عوام کی آزادی کو سلب کر کے ریاست کو جیل میں تبدیل کر چکا ہے 26جنوری حزب المجاہدین جموں وکشمیرکے زیر اہتمام یوم سیاہ کی ریلی و جلسہ میں شرکت کیلئے رابطہ مہم شروع کر دی گئی ہے
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.