نیشنل ایکشن پلان کو سیاسی و مذہبی مصلحتوں کی بھینٹ نہ چڑھایا جائے،مرکزی صدر انجمن طلبا اسلام
اتوار 25 جنوری 2015 15:22
فیصل آباد(اُردو پوائنٹ اخبارتاز ترین ۔ 25جنوری 2015ء) نیشنل ایکشن پلان کو سیاسی و مذہبی مصلحتوں کی بھینٹ نہ چڑھایا جائے۔ نیشنل ایکشن پلان و ضرب عضب آپریشن کے خلاف بے بنیاد واویلا قوم کو تقسیم کرنے کی گھناؤنی سازش ہے ۔فضل الرحمن اور اس کے حواریوں کی انتہا پسندوں اور دہشت گردوں کی وکالت کو پوری قوم مسترد کرتی ہے ۔دہشت گردوں کے خلاف جنگ اسلام اور پاکستان کی بقاء کی جنگ ہے ۔
انجمن طلبا اسلام کے مرکزی صدر سید آفتاب عظیم بخاری نے اکیسویں ترمیم کے حوالے سے مولانا فضل الرحمن اور چند یرغمالی مذہبی تنظیموں کے بیانات کی شدید مذمت کرتے ہوئے کہا کہ مولانا اوران کے سیاسی و مذہبی حواری دہشت گردوں اور انتہا پسندوں کی بالواسطہ یا بلا واسطہ وکالت کا فریضہ بند کریں ۔(جاری ہے)
نیشنل ایکشن پلان دہشت گردی کی نذر ہونے والے ساٹھ ہزار سے زائد شہداء کے لواحقین اور پوری قوم کے جذبات کا ترجمان ہے۔
ضرب عضب اور نیشنل ایکشن پلان اسلام اور پاکستان کو بچانے کی جنگ ہے اس کی کامیابی سے ہی ہماری قوم اور ملک کی بقاء وابستہ ہے ۔مذہب کے نام پر مساجد ، مدارس،کالجز ،یونیورسٹیز ،سکولز کو استعمال کرنے والوں پر زمین تنگ کرنے کا فیصلہ پوری قوم کی متفقہ آواز ہے ۔سیاسی حکومت دہشت گردی کے خلاف اپنے قول و فعل کے تضاد کو ختم کرنے اور نیشنل ایکشن پلان کو سیاسی مصلحتوں کی نذر نہ ہونے دے اور سیاسی مصلحتوں کے تحت دہشت گردوں کے حامیوں اور ہمدردوں کو سینے سے لگانے کی روش کو ترک کر دے ۔پوری قوم دہشت گردی کے خلاف یکجان و یک زبان ہے ان حالات میں نیشنل ایکشن پلان پر مذہبی و سیاسی بلیک میلنگ قابل مذمت ہے ۔نیشنل ایکشن پلان کسی سیاسی و مذہبی نظریہ کے خلاف نہیں بلکہ ملک و ملت کی سلامتی کے لئے ہے ۔انجمن طلبا اسلام دہشت گردی کے خلاف اور نیشنل ایکشن پلان کے حق میں تعلیمی اداروں میں دستخطی مہم چلائے گی اور دہشت گردی کے خاتمے اور ملک و ملت کی بقاء و سلامتی ،خوشحالی و استحکام کے لئے سیکورٹی فورسز کی پشت پر کھڑی ہوگی ۔استحکام پاکستان کے دشمنوں کو اب کبھی نہیں چھوڑا جا سکتا ۔ہماری ماؤں ،بہنوں ،بیٹیوں ،بوڑھوں اور جوانوں کو خون کے آنسو رلانے والے کسی رعایت کے مستحق نہیں دہشت گردی کے خلاف پوری قوم متحد ہے اور اس کو تقسیم کرنے کی کسی بھی سازش کو کامیاب نہیں ہونے دیں گے۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.