ڈاکٹر جنیدعلی شاہ کا پاکستان میڈیکل ایسوسی ایشن کی جانب سے 2فروری کو کراچی کے تمام اسپتالوں میں اوپیٍ ڈی بند کرنے کی مکمل حمایت کااعلان
اتوار 25 جنوری 2015 16:58
کراچی(اُردو پوائنٹ اخبارتاز ترین ۔ 25جنوری 2015ء) پرائیوٹ ہاسپٹلز اینڈ کلینک ایسوسی ایشن کے صدر اور سابق صوبائی وزیر صحت ڈاکٹر سید جنیدعلی شاہ نے پاکستان میڈیکل ایسوسی ایشن کی جانب سے 2فروری کو کراچی کے تمام اسپتالوں میں اوپیٍ ڈی بند کرنے کی مکمل حمایت کااعلان کیا ہے ۔وہ اتوارکو پرائیوٹ ہاسپٹلز اینڈ کلینک اسیوسی ایشن کی جنرل باڈی اجلاس سے خطاب کررہے تھے۔
اجلاس میں ڈاکٹرسمیع احمد، پروفیسر طاہر حسین ،ڈاکٹرقیسر سجاد ، ڈاکٹرسہیل نواب ، ڈاکٹرمنور علی انجم ، صیح مرزا، بلال احمد ،ڈاکٹرضمیر ، ڈاکٹرعظیم الدین قاضی ، ڈاکٹرافتخار احمد ، آفتاب غنی، اور نصرت فہیم کے علاوہ دیگر ایسوسی ایشنز،ایسوسی ایشن آف فیملی فزیشن پاکستان،پی ایم اے اورپیماکے ممبران نے بھی شرکت کی۔(جاری ہے)
ڈاکٹر سید جنیدعلی شاہ نے کہا کہ 1995سے لیکر اب تک کراچی میں 127ڈاکٹرز دہشت گردی کا نشانہ بن چکے ہیں کس کے باعث ڈاکٹرز اور ان کے اہل خانہ میں خوف و ہراس کی فضا پائی جاتی ہے۔
لیکن افسوس کی بات یہ ہے کہ حکومت نے بے حسی کا مظاہرہ کیا ہوا ہے اور آج تک ڈاکٹروں کی ٹارگیٹ کلنگ میں ملوث دہشت گردوں کی گرفتاری عمل میں نہیں آئی ۔اس خوف وہراس کی فضا کے باعث ہزاروں ڈاکٹرز ملک چھوڑنے پر مجبور ہوگئے ہیں ۔ ڈاکٹر سید جنیدعلی شاہ نے کہا کہ ہم پی ایم اے کے ساتھ ملکر ڈاکٹروں کی ٹارگیٹ کلنگ کے خلاف احتجاج کا سلسلہ جاری رکھیں گے گو کہ ہم مریضوں کو تکلیف پہچانا نہیں چاہتے لیکن ہمیں بہت مجبوری میں یہ اقدامات کرنے پڑرہے ہیں پہلے مرحلے میں اوپی دی بند کرینگے تاہم ایمر جنسی کا عمل جاری رہے گا جبکہ دوسرے مرحلے کا اعلان پی ایم اے کی باہمی مشاورت سے کیا جائے گا۔پی ایم اے کی نمائندگی کرتے ہوئے ڈاکٹر قیصر سجاد نے اجلاس سے خطاب کرتے ہوئے کہا کہ اسوقت پر ڈاکٹر اپنے آپ کو غیر محفوظ تصور کرتا ہے ایسے حا لات میں ڈاکٹرز اپنے فرائض احسن طریقے سے انجام نہیں دے سکتے حکومت سندھ ڈاکٹروں کے قاتلوں کی گرفتاری میں بری طرح ناکام ہوچکی ہے لہذا ہم نے بہت مجبور ہو کر 2فروری کو احتجاج کا اعلان کیا ہے اور مریضون کی تکا لیف کی زمہ دار حکومت سندھ ہوگی۔ ڈاکٹر ایس ایم ضمیر چیئرمین ایسوسی ایشن آف فیملی فزیشن پاکستان نے کہا کہ ہماری بار بار اپیل کے باوجود حکومت نے نجی اسپتالوں کو سیکوریٹی کی فراہمی کیلئے اقدامات نہیں کئیے۔ نہ صرف ڈاکٹرز کی ٹارگیٹ کلنگ کا سلسلہ جاری ہے بلکہ آئے دن نجی اسپتالوں میں توڑ پھوڑ اور ڈاکٹرز اور پیرامیڈیکل اسٹاف کو دھمکیوں کا سلسلہ بھی جاری ہے ۔ پروفیسر طاہر حسین نے کہا کہ ڈاکٹر ز جن کو مسیحا کہا جاتا ہے ان کو بھی نہیں بخشا جارہا ۔ اگر ڈاکٹروں کی کلنگ کا سلسلہ اس طرح جاری رہا تو آنے والے وقت میں ڈاکٹرز کی بڑی تعداد ملک چھوڑنے پر مجبور ہوجائے گی ۔ انھوں نے نجی سیکوریٹی کمپنیوں سے کہا کہ وہ پرائیوٹ اسپتالوں میں سیکوریٹی گارڈز کی فراہمی کیلئے خصوصی پیکیج دیں ۔اجلاس کے آخر میں متفقہ طور پر ایک قرارداد منظور کی گئی جس میں مندرجہ بالا اقدامات کی منظوری دی گئی۔مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.