متحدہ علماء محاذ کے تحت تحفظ ناموس رسالت ﷺ سیمینار میں فرانس سے بائیکاٹ کا مطالبہ

کراچی (اُردو پوائنٹ اخبارتاز ترین ۔ 25جنوری 2015ء) متحدہ علماء محاذ پاکستان میں شامل مختلف مکاتب فکر کے علماء مشائخ نے تحفظ ناموس رسالت ﷺ سیمینار سے خطاب کرتے ہوئے مطالبہ کیا ہے کہ فرانسیسی سفیر کو ملک سے نکالا اور مصنوعات کا بائیکاٹ کیا جائے۔مسلم ممالک فرانس سے سفارتی تعلقات منقطع کریں۔مسلم حکمراں اقوام متحدہ کے تحت عالمی تحفظ حقوق انسانی کے جانبدار متنازع منشور کو مسترد کردیں ۔

اس منشور میں ہر شخص کو فکر و عمل اور اظہار رائے کی بے لگام آزادی دی گئی ہے جس کے باعث اسلام دشمن عناصر بلا خوف و خطر توہین رسالت ﷺ تو ہین قران ،اسلامی شعائر و عقائد کا تمسخر اُڑانے کا بار بار آزادنہ ارتکاب کر رہے ہیں ۔گستاخانِ رسول ﷺ کی سزا صرف موت ہے ۔اقوام متحدہ اپنا جانبدارانہ کردار چھوڑ کر فرانس کے خلاف فی الفور کاروائی عمل میں لائے ۔

(جاری ہے)

مسلم حکمراں اپنے دین و ایمان کے تحفظ اور بقاء کے لیے اپنی علیحدہ مسلم اقوام متحدہ ،مشترکہ اسلامی فوج ،اسلامی کرنسی ،اسلامی مشتر کہ تجارتی منڈی تشکیل دیں ۔اسلام امن و سلامتی کا دین ہے اور دنیا بھر کے مسلمان امن و سلامتی،عدل و انصاف کے علمبردار ہیں ۔توہین رسالت کا ارتکاب کرنے والے مذہب و ملت اور انسانیت کے کھلے دشمن و دہشتگرد اور قابل ِ سر زنی ہیں ۔

تحفظ ناموس رسالت ﷺسیمینار سے علا مہ مرزا یوسف حسین ،مولانا امین انصاری ، مولانا انتظار الحق تھانوی،علامہ عبداللہ غازی ،علامہ قاضی احمد نورانی صدیقی ،،مفتی فیرو ز الدین ہزاروی ،علامہ صادق رضا تقوی ،علامہ شاہ فیروز الدین رحمانی ،علامہ علی کرار نقوی ، علامہ شاہدین اشرفی ، علامہ مرتضی خان رحمانی ، مطلوب اعوان ، مفتی محمد بخاری ،علامہ غلام مصطفی رحمانی،مفتی فاروق احمد قصوری ،ڈاکٹر مبشر قادری ،لئیق احمد خان ،متحدہ علماء محاذ اسٹو ڈینٹس آرگنائز یشن کے عہدیدار ان و کار کنان نے شرکت کی۔