پی سی بی اور کھلاڑیوں کے درمیان تین ماہ کا معاہدہ تنازع کا شکا ر ہوگیا
پیر 26 جنوری 2015 13:52
کراچی ( اُردو پوائنٹ تازہ ترین اخبار۔ 26 جنوری 2015ء ) ورلڈ کپ کرکٹ2015 سے قبل ہی ایک نیا تنازع کھڑا ہوگیا ہے،پاکستان کرکٹ بورڈ نے کھلاڑیوں سے تین ماہ کا معاہدہ کیالیکن کھلاڑیوں نے اس معاہدے کومسترد کردیا ہے۔ذرائع کے مطابق پی سی بی کے چیئر میں شہریار خان نے اس حوالے سے کپتان مصباح الحق سے بات کر نے کی کوشش کی تاہم کپتان اور دیگر کھلاڑی اس معاملے پر ڈٹ گئے ہیں اور کھلاڑی بغیر معاہدوں کے بیرون ملک سفر کررہے ہیں۔
تفصیلات کے مطابق ورلڈ کپ کرکٹ ٹورنامنٹ کے بعد پاکستان کرکٹ بورڈ اور ٹیم انتظامیہ کئی کھلاڑیوں کو فارغ کرنے کا ارادہ رکھتی ہے۔ کرکٹرز نے قومی ٹیم کی خراب کارکردگی کے بعد ممکنہ کریک ڈاؤن کے خلاف قبل از وقت بغاوت کا اعلان کردیا ہے اور پاکستان کرکٹ بورڈ کے نئے سینٹرل کنٹریکٹ پر دستخط کر نے سے انکار کردیا ہے۔(جاری ہے)
پاکستان کرکٹ بورڈ کے چیئر مین شہریار خان نے تسلیم کیا ہے کہ کھلاڑیوں نے نئے سینٹرل کنٹریکٹ پر تحفظات ظاہر کئے ہیں میگا ایونٹ سے قبل کھلاڑیوں نے تین ماہ کا معاہدہ مسترد کرتے ہوئے ایک سال کے معاہدے کا مطالبہ کیا ہے۔
پلیئرز اپنے موقف پر ڈٹے ہوئے ہیں البتہ بورڈکو امید ہے کہ ورلڈ کپ سے قبل درمیانی راستہ نکل آئے گا۔ مصباح الحق جو ورلڈ کپ کے بعدون ڈے انٹر نیشنل سے ریٹائر منٹ کا اعلان کرچکے ہیں وہ پاکستان کرکٹ بورڈ کے حکام سے براہ راست کھلاڑیوں کے حقوق کے تحفظ کے لئے مذاکرات میں مصروف ہیں۔ شہریار خان اور منیجر نوید اکرم چیمہ کھلاڑیوں کو قائل کرنے کی کوشش کررہے ہیں۔ پی سی بی کے ذمہ دار ذرائع کا کہنا ہے کہ کھلاڑیوں کے لئے تین ماہ کے سینٹرل کنٹریکٹ اچانک نہیں تھے انہیں ابتدا میں بتادیا گیا تھا کہ بورڈ انہیں تین ماہ کے معاہدے دے گا۔ لیکن ان خبروں کے بعد کہ پی سی بی اور ٹیم انتظامیہ ورلڈ کپ کے بعد کئی سینئر کھلاڑیوں کو ہٹانے کا ارادہ رکھتی ہے اور ورلڈ کپ کے بعدجو سینٹرل کنٹریکٹ دیے جائیں گے اس میں ورلڈ کپ کے ناکام کھلاڑیوں کو اے سے بی کٹیگری میں کردیا جائے گا۔ اس حوالے سے ٹیم کی نیوزی لینڈ روانگی سے قبل کھلاڑیوں کی بورڈ حکام سے کئی میٹنگز ہوچکی ہیں لیکن کھلاڑی تین ماہ کے معاہدوں اور بعض نئی شقوں پر دستخط کرنے سے انکار کر چکے ہیں۔ میڈیا سے گفتگو کرتے ہوئے پی سی بی شہریار خان نے کہا کہ کھلاڑیوں کو خطرہ ہے کہ ورلڈ کپ میں اگر ان کی کارکردگی خراب رہتی ہے تو بورڈ ان کی کیٹیگری میں تنزلی کردے گا۔ انہوں نے کہا کہ میری براہ راست مصباح الحق سے بات چیت ہورہی ہے لیکن وہ اس وقت اپنے مطالبات پر ڈٹے ہوئے ہیں۔ سابق سفارت کار نے کہا کہ نیوزی لینڈ پہنچ کر بھی ہم کرکٹرز سے رابطے میں ہیں اور ان سے کہا ہے کہ وہ اپنے مطالبات پر نظر ثانی کر لیں۔متعلقہ عنوان :
مزید کھیلوں کی خبریں
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں بال بال بچ گئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
پاکستان اورویسٹ انڈیزکی ویمن کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
-
پاکستان ماسٹر ٹین پن بائولنگ چیمپئن شپ ناگزیر وجوہات کی بنا پر ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.