پاک بھارت مذاکرات کےلیےماحول ساز گارنہیں،ٹی سی اےراگھون

منگل 27 جنوری 2015 10:46

اسلام آباد(اُردو پوائنٹ اخبار تازہ ترین۔27جنوری2015ء) .پاکستان میں بھارتی ہائی کمشنر ٹی سی اے راگھوان نے کہا ہے کہ پاکستان میں اب بھی دہشت گرد گروپوں کوآزادی حاصل ہے، اس ماحول میں دونوں ملکوں کے درمیان مذاکرات شروع ہونا مشکل ہے۔ بھارت میں پیر کو یوم جمہوریہ منایا گیا۔ پاکستان میں یوم جمہوریہ کی تقریب بھارتی ہائی کمیشن میں ہوئی ،جہاں بھارتی ہائی کمشنر ٹی سی اے راگھوان نے تقریب سے خطاب کیا ۔

(جاری ہے)

انہوں نے کہا کہ مسئلہ پاک بھارت مذاکرات کے ہونے یا نہ ہونے کا نہیں ہے ،اصل مسئلہ یہ ہے کہ مذاکرات شروع کون کرے، مذاکرات کے لیے ماحول کا ساز گار ہونا سب سے بڑی ضرورت ہے ۔پاکستان میں اب بھی دہشتگرد گروپوں کو آزادی حاصل ہے اور اس ماحول میں مذاکرات کا سلسلہ شروع ہونا بہت مشکل ہے ۔انھوں نے کہا کہ جماعت الدعوۃ پر2008ء میں پابندیاں لگیں اور اس کے بعد بھی اس تنظیم کا جو کردار رہا سب کے سامنے ہے،ان پابندیوں کا کوئی اثر نہیں ہوا۔ ٹی سی اے راگھوان نے واضح کیا کہ بھارت، امریکا تعلقات کو پاکستان سے منسوب کرنا درست نہیں، اگلے 10 سے 15سال تک جن ذرائع سے بھی ہوا بھارت توانائی حاصل کرے گا، ڈرون ٹیکنالوجی کسی کے خلاف استعمال کرنے کے لیے نہیں، اس کے کئی اور مقاصد بھی ہیں۔

Facebook Twitter Google + Share on Whatsapp

پاک بھارت مذاکرات کےلیےماحول ساز گارنہیں،ٹی سی اےراگھون

متعلقہ عنوان :

مزید اہم خبریں