منشیات فروشوں اورافغانیوں کے خلاف گرینڈ آپریشن ‘ شراب بر آمد ‘ نو افغانی گرفتار ‘ مقدمہ درج

بدھ 28 جنوری 2015 14:30

مظفرآباد(اُردو پوائنٹ تازہ ترین اخبار۔ 28 جنوری 2015ء) تھانہ پولیس گڑھی دوپٹہ ، فیض الرحمن عباسی کی ایس ایچ او تعیناتی ، منشیات فروشوں اورافغانیوں کے خلاف گرینڈ آپریشن ‘ 8بوتل شراب برآمد ‘ 2ملزمان دھر لئے ‘ 9افغانیوں کے خلاف بھی ایف آئی آر درج ‘ 16ضلع بدر کرادیئے ‘ تفصیلات کے مطابق تھانہ گڑھی دوپٹہ میں فیض الرحمن عباسی کی ایس ایچ او تعیناتی سے عوام کوعملاََ فیض ملنا شروع ہوگیا ،ایس ایس پی مظفرآباد کی خصوصی ہدایت پر منشیات فروشوں کے خلاف گرینڈ آپریشن کے دوران مجہوئی کے مقام سے 8بوتل شراب برآمدکرتے ہوئے ملزمان رستم اوربنارس کوگرفتار کرلیا جبکہ افغانیوں کے خلاف کارروائی کرتے ہوئے 9افغانیوں کے خلاف مقدمہ درج کرتے ہوئے گرفتارکرلیاجبکہ 16افغانیوں کوضلع بدر کرادیا ‘ عوامی سیاسی وسماجی حلقوں نے گڑھی دوپٹہ میں ایس ایچ او فیض الرحمن عباسی کی تعیناتی پراعلیٰ پولیس حکام کاشکریہ اداکیاہے ۔

متعلقہ عنوان :