وزیر اعلیٰ پنجاب میاں محمد شہباز شریف کے حکم پر محکمہ سوئی گیس کی اعلیٰ تحقیقاتی ٹیم سرگودھا پہنچ گئی
بدھ 28 جنوری 2015 14:50
سرگودھا (اُردو پوائنٹ اخبار تازہ ترین۔28جنوری2015ء) وزیر اعلیٰ پنجاب میاں محمد شہباز شریف کے حکم پر محکمہ سوئی گیس کی اعلیٰ تحقیقاتی ٹیم سرگودھا پہنچ گئی جس نے محکمہ سوئی گیس کے آر ایم سمیت دیگر افسران اور ڈی سی او آفس میں اراکین اسمبلی کیساتھ میٹنگ کی اور سرگودھا میں سوئی گیس کے پریشر پر اراکین اسمبلی نے اپنے شدید تحفظات کا اظہار کیا‘ جس پر وزیر اعلیٰ کے حکم پر آئی ہوئی اعلیٰ سطحی ٹیم جس میں ڈپٹی جنرل منیجر ڈائریکٹر امجد لطیف‘ سینئر جنرل منیجر ڈسٹری بیوشن زاہد حسین سید کے علاوہ دیگر ٹیکنیکل افسران شامل ہیں جو علی الصبح ہی سرگودھا پہنچ گئے تھے ڈی سی او سرگودھا ثاقب منان نے آنیوالی ٹیم کو گزشتہ روز ہونیوالے احتجاجی دھرنے اور صورتحال سے آگاہی دی ذرائع کے مطابق اراکین اسمبلی نے مطالبہ کیا کہ سرگودھا کیلئے سوئی گیس کے منظور شدہ 60 ملین پاؤنڈ کو فوری طور پر بحال کیا جائے اس وقت 26 ملین پاؤنڈ کا پریشر دیا جارہا ہے جس کے باعث مین لائن سے برانچ لائنوں میں گیس کا پریشر شہر تک پہنچنے میں 3 سے 4 پوائنٹ رہ جاتا ہے جس کی وجہ سے شہریوں کو گیس نہیں مل رہی ساتھ ہی ساتھ اراکین اسمبلی کی جانب سے 4 افسران جن میں انجینئر ڈسٹری بیوشن وجاہت خان‘ انجینئر ڈسٹری بیوشن عدنان‘ سینئر انجینئر ڈسٹری بیوشن علی عمران طالب وڑائچ ‘ سیلز آفیسر محمد اقبال شامل ہیں جن کے فوری طور پر تبادلے کا مطالبہ کیا گیا ہے جس پر وزیر اعلیٰ پنجاب میاں شہباز شریف کی جانب سے محکمہ سوئی گیس کے افسران کی ٹیم نے یقین دہانی کرائی ہے کہ افسران کے تبادلے اور پریشر کی کمی کو دور کرنے کیلئے تمام وسائل بروئے کار لائے جائینگے ذرائع کے مطابق سابق آر ایم سرگودھا اشرف محمود چوہدری کا وہ لیٹر بھی میٹنگ میں زیر بحث آیا جس میں انہوں نے جی ایم سوئی ناردرن کو لکھا تھا کہ سرگودھا میں 60 کی بجائے 26 پاؤنڈ گیس پریشر دیا جائے ذرائع کے مطابق سابق آر ایم نے اپنی نااہلی اور گیس چوری چھپانے کیلئے یو ایف جی کو کنٹرول کرنے کیلئے یہ لیٹر لکھا تھا کیونکہ سرگودھا میں گیس چوری کی مقدار اوگرا کے قانون سے کئی زیادہ ہورہی تھی جس پر سابق آر ایم اشرف محمود نے گیس چوری روکنے کی بجائے پریشر میں کمی کا لیٹر لکھ کر اپنے آپ کو بچانے کی کوشش کی ڈی سی او سرگودھا ثاقب منان‘ وفاقی پارلیمانی سیکرٹری چوہدری حامد حمید‘ رکن پنجاب اسمبلی ڈاکٹر نادیہ عزیز اور عبدالرزاق ڈھلوں‘ آر ایم سرگودھا ریجن سوئی گیس ہارون خان‘ بیکو لائٹ انڈسٹری کے عہدیداران کے علاوہ دیگر افسران بھی موجود تھے۔
متعلقہ عنوان :
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.