حضور نبی اکرم کا اسوئہ حسنہ آفاقی بھی ہے اور ابدی بھی،چیئرمین اعلیٰ ثانوی تعلیمی بورڈ
بدھ 28 جنوری 2015 16:49
کراچی (اُردو پوائنٹ تازہ ترین اخبار۔ 28 جنوری 2015ء) حضور نبی اکرم صلی اللہ علیہ وآلہ وسلم کا اسوئہ حسنہ آفاقی بھی ہے اور ابدی بھی۔ یہ بات اعلیٰ ثانوی تعلیمی بورڈ کے چیئرمین پروفیسر انوار احمد زئی نے انٹرنیشنل اسلامک یونیورسٹی اسلام آباد اور دعوہ اکیڈمی سندھ کے اشتراک سے منعقد ہونے والی سیرت کانفرنس میں صدارتی خطبہ میں کہی۔ اس موقع پر اردو یونیورسٹی کے وائس چانسلر ڈاکٹر ظفر اقبال، دعوہ اکیڈمی کے ڈائریکٹر ڈاکٹر عزیز احسن، مولانا ڈاکٹر اسعد تھانوی، علامہ شجاع الدین، مفتی شاہ حسین گردیزی اور جامعہ کراچی کے ڈاکٹر محمود غزنوی اور مختلف صوبوں سے آئے ہوئے دانشوروں نے شرکت کی۔
اس موقع پر پروفیسر انوار احمد زئی نے کہا کہ حضور کے خطبہٴ آخر کے موقع پر نازل ہونے والی سورئہ مبارکہ جہاں تکمیلِ دین اور نعمتوں کے پورے ہونے کی دلیل ہے وہیں دین اسلام کو پسند کئے جانے کے حوالے سے اسوئہ حسنہ کے آفاقی اور ابدی ہونے کی مثال بھی ہے۔(جاری ہے)
انہوں نے کہا کہ جہاں قرآن پاک خدا کا آخری اور مکمل پیغام ہے جو آفاقی بھی ہے اور ابدی بھی تو اس نظری سرچشمے کا عملی پہلو حضور کا اسوئہ حسنہ ہے، اس لئے اسے بھی آفاقی حیثیت حاصل ہے جو ہر زمانے اور عہد کے لئے جبکہ آپ سے قبل آنے والے نبیوں اور رسولوں کے عہد اور زمانے دونوں محدود تھے۔
ڈاکٹر اسعد تھانوی نے کہا کہ قرآن پاک کی طرح ختمی مرتبت کی حدیثوں کی حفاظت بھی قدرت ہی کی جانب سے ہے اس لئے یہ احادیث آج بھی قرآن کی عملی صورت پیش کررہے ہیں۔ علامہ شجاع الدین نے کہا کہ حضور کی بعثت نے پوری زندگی کو خوشگوار اور پُرتاثیر بنادیا اس لئے جب تک نوع انسانی ہے اسوئہ حسنہ مشعل راہ رہے گا۔ مفتی شاہ حسین گردیزی نے علم حدیث اور علم فقہ کے حوالے سے اسوئہ حسنہ پر روشنی ڈالی۔ سیرت کانفرنس کے اختتام پر شرکاء محفل کو نشانِ سیرت سے نوازا گیامزید قومی خبریں
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.