جاپان پورٹ قاسم میں سیکورٹی کی صورتحال کو بہتر بنانے اور لاہور میں پانی کی سپلائی کو بہتر بنانے کے منصوبوں کیلئے ایک کروڑ 90 لاکھ ڈالر فراہم کرے گا،معائدے پر دستخط
بدھ 28 جنوری 2015 17:09
اسلام آباد (اُردو پوائنٹ تازہ ترین اخبار۔ 28 جنوری 2015ء ) پاکستان اور جاپان کے مابین پورٹ قاسم میں سیکورٹی کی صورتحال کو بہتر بنانے اور لاہور میں پانی کی سپلائی کو بہتر بنانے کے منصوبوں پر دستخط کی تقریب کا انعقاد کیاگیا جاپانی سفیرہیروشی انیوماتا اوراکنامک امور ڈویژن کے سیکرٹری سلیم سیٹھی نے دستخط کر دئیے دونوں منصوبوں کے لئے جاپان کی حکومت 1,934,000,000ین(19ملین امریکی ڈالر) فراہم کرے گی اس سلسلے میں اقتصادی امور ڈویژن میں ایک تقریب کا اہتمام کیا گیا تقریب سے خطاب کرتے ہوئے وفاقی خزانہ اسحاق ڈار نے کہاکہ جاپان اور پاکستان کے مابین مختلف شعبوں میں تعاؤن طویل عرصے سے جاری ہے اور ان تعلقات کو مذید مضبوط کرنے کیلئے جاپانی سرمایہ کار پاکستان میں توانائی سمیت مختلف شعبوں میں سرمایہ کاری بڑھانے پر اتفاق کیا ہے پاکستان میں یاماہا موٹر سائیکل بنانے کے پلانٹ کی تنصیب اسی سلسلے کی ایک کڑی ہے وزیر خزانہ نے کہاکہ ان کا حالیہ دورہ جاپان کے مثبت نتائج برآمد ہوئے ہیں اور جاپانی سرمایہ کاروں نے پاکستان میں مختلف شعبوں میں سرمایہ کاری میں گہری دلچسپی کا اظہار کیا ہے انہوں نے کہاکہ پاکستان اور جاپان کے مابین دو منصوبوں کے لئے گرانٹ کی فراہمی کا معاہدہ ایک اچھا اقدام ہے اور اس سے دونوں ممالک کے مابین معاشی تعلقات کی مضبوطی میں مدد ملے گی اس موقع پر جاپانی سفیر ہیروشی اینوماتا نے کہاکہ وزیر خزانہ کے دورہ جاپان کے دونوں ممالک کے مابین تعلقات پر مذید خوشگوار اثر ڈالا ہے انہوں نے کہاکہ جاپان نے ترقی پذیر ممالک کے لئے فنڈز میں 16بلین ڈالر کا اضافہ کیا ہے اور پاکستان میں دو منصوبوں کے فنڈز کی فراہمی بھی اسی اضافے کی ایک کڑی ہے انہوں نے کہاکہ جاپان دہشت گردی کے مسئلے سے نمٹنے کیلئے بھی پاکستان کی بھرپور مدد کرے گا۔
مزید اہم خبریں
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
-
فواد چوہدری کو مزید 4 مقدمات میں ریلیف مل گیا
-
ضمنی الیکشن کے دوران موبائل اور انٹرنیٹ سروس بند رہنے کا امکان
-
وزیرخزانہ کی ورلڈ بینک کے علاقائی نائب صدر برائے جنوبی ایشیا مسٹر مارٹن رائزر سے ملاقات
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.