ملک بھر میں آتشزدگی کے پے درپے سانحات کی اعلیٰ سطحی تحقیقات کرائی جائے ‘ لاہور چیمبر
بدھ 28 جنوری 2015 17:34
لاہور( اُردو پوائنٹ تازہ ترین اخبار۔ 28 جنوری 2015ء) لاہور چیمبر آف کامرس اینڈ انڈسٹری کے نائب صدر سید محمود غزنوی نے حکومت پر زور دیا ہے کہ وہ ملک بھر میں آتشزدگی کے پے درپے سانحات کی اعلیٰ سطحی تحقیقات کرائے اور نہ صرف تاجروں کے نقصان کا فوری طور پر ازالہ کرے بلکہ ان سانحات کے ذمہ داروں کو کڑی سزا بھی دے ۔ تاجروں کے ایک وفد سے گفتگو کرتے ہوئے سید محمود غزنوی نے کہا کہ کراچی اور لاہور میں آتشزدگی کے کئی بہت بڑے سانحات رونما ہوئے جن میں نہ صرف سینکڑوں انتہائی قیمتی جانیں ضائع ہوئیں بلکہ تاجروں کا اربوں روپے کا نقصان ہوا لیکن نہ تو تاجروں کے نقصان کا ازالہ کیا گیا اور نہ ہی سانحے کے ذمہ داروں کو عبرتناک سزا دی گئی۔
لاہور چیمبر کے نائب صدر نے کہا کہ لاہور میں حالیہ سانحہ انارکلی سرکاری محکوں کی بے حسی کی منہ بولتی مثال ہے جبکہ حکومت بھی متاثرہ تاجروں کی بحالی کے لیے کام نہیں کررہی۔(جاری ہے)
انہوں نے کہا کہ انارکلی پلازہ میں آگ لگنے سے تاجروں کا کروڑوں روپے کا نقصان ہوا اور بارہ سے زائد افراد جاں بحق ہوگئے، پنجاب حکومت نے اعلان کیا تھا کہ متاثرہ تاجروں کے نقصان کا ازالہ کیا جائے گا لیکن تاحال تاجروں کی مالی امداد نہیں کی گئی۔
لاہور چیمبرآف کامرس اینڈ انڈسٹری کے نائب صدر نے کہا کہ آتشزدگی کے بہت سے سانحات میں بروقت آگ پر قابو پاکر نہ صرف نقصان کی شدت بہت کم کی جاسکتی تھی بلکہ قیمتی جانیں بھی بچائی جاسکتی تھیں لیکن تجاوزات اور ٹریفک کے مسائل کی وجہ سے امدادی ٹیمیں بروقت جائے حادثہ پر نہیں پہنچ سکیں۔ انہوں نے حکومت پر زور دیا کہ وہ فوری طور پر ان رکاوٹوں کو دور کرے اور مستقبل میں آتشزدگی کے سانحات روکنے کے لیے سخت اقدامات اٹھائے۔ انہوں نے حکومت پر زور دیا کہ وہ انارکلی آتشزدگی سانحہ سمیت دیگر سانحات کے متاثرین کے نقصان کا فوری طور پر ازالہ کرے۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.