سینٹرل کنٹریکٹ تنازعہ، بورڈ نے سینئرکھلاڑیوں کو ماسٹر مائنڈ قراردیدیا
سابقہ معاہدے میں نئے کنٹریکٹ میں تاخیرکی صورت میں کھلاڑی تیس جون تک اسی معاہدے کے تحت ضابطہ اخلاق کی پاسداری کے پابند ہیں‘ذرائع
بدھ 28 جنوری 2015 21:13
لاہور( اُردو پوائنٹ تازہ ترین اخبار۔ 28 جنوری 2015ء)پاکستان کرکٹ بورڈ نے سینٹرل کنٹریکٹ تنازعہ میں سینئرکھلاڑیوں کو ماسٹر مائنڈ قرار دیا ہے جنہیں ورلڈ کپ کے بعد ریٹائرمنٹ کا اعلان کرنے والے کرکٹر لیڈ کر رہے ہیں۔پی سی بی کا کھلاڑیوں سے سنٹرل کنٹریکٹ دسمبر میں ختم ہوگیا جس کے بعد بورڈ نے نیا معاہدہ کرنے کے بجائے سابقہ معاہدے پر مارچ تک توسیع کردی اور یکم اپریل سے نیا معاہدہ کرنے کا عندیہ دیا لیکن ورلڈ کپ کے لیے منتخب کھلاڑیوں کے علاوہ دیگر کھلاڑیوں نے بھی اس معاہدے پراب تک دستخط نہیں کیے ہیں۔
نجی ٹی وی نے بورڈ ذرائع کے حوالے سے کہا ہے کہ کپتان مصباح الحق سمیت سینئر کھلاڑی 2014ء کی کارکردگی پر 2015ء کے لیے کنٹریکٹ حاصل کرنا چاہتے ہیں اور بورڈ کے لیے مسائل پیدا کر رہے ہیں۔(جاری ہے)
پی سی بی کا کہنا ہے کہ تین ماہ کے معاہدے سے ہر کھلاڑی کو بیس ،بیس لاکھ روپے کا فائدہ ہوگا جبکہ سابقہ معاہدے میں یہ شق موجود ہے کہ نئے کنٹریکٹ میں تاخیرکی صورت میں کھلاڑی تیس جون تک اسی معاہدے کے تحت ضابطہ اخلاق کی پاسداری کریں گے لیکن بعض سینئرکھلاڑی جونیئرز پر دباؤ ڈال کرانہیں معاہدہ کرنے سے روک رہے ہیں۔
ان میں ورلڈ کپ کے بعد ریٹائرمنٹ کا اعلان کرنے والے کرکٹرز نمایاں ہیں کیونکہ میگا ایونٹ کے بعد صرف ایک طرز کی کرکٹ میں نمائندگی کی وجہ سے بہتر پوزیشن حاصل نہیں کرسکیں گے۔بورڈ ذرائع کے مطابق ورلڈکپ کے لیے منتخب کسی کھلاڑی نے سینٹرل کنٹریکٹ پر دستخط نہیں کیے اور منتخب نہ ہونے والے کھلاڑیوں نے بھی دستخط نہیں کیے۔ کپتان مصباح الحق ان کی جانب سے مذاکرات کر رہے ہیں۔ پی سی بی مینیجرنوید اکرم چیمہ کی ثالثی میں کھلاڑیوں سے رابطے میں ہے اور انہیں امید ہے کہ معاملات طے پاجائیں گے۔مزید کھیلوں کی خبریں
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
-
انڈونیشیا کی روہمالیا نے ویمن ٹی ٹوئنٹی میں تاریخ رقم کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.