وفاقی حکومت کی کارکردگی مایوس کن ہے ،ریاض فتیانہ،
کرپشن ،مہنگائی بے روزگاری ،لاقانونیت ،بجلی اور گیس کی لوڈ شیڈنگ نے عوام کا جینا محال کر دیا ہے ،سابق صوبائی وزیر
جمعرات 29 جنوری 2015 19:13
ٹوبہ ٹیک سنگھ(اُردو پوائنٹ تازہ ترین اخبار۔ 29 جنوری 2015ء) سابق صوبائی وزیر ریا ض فتیانہ نے کہا ہے کہ وفاقی حکومت کی کارکردگی مایوس کن ہے ،کرپشن ،مہنگائی بے روزگاری ،لاقانونیت ،بجلی اور گیس کی لوڈ شیڈنگ نے عوام کا جینا محال کر دیا ہے ،ان خیالات کا اظہار انہوں نے پاکستان تحریک انصاف کے صوبائی نائب صدر چوہدری محمد اشفاق کی اقامت گاہ پر پاکستان تحریک انصاف کے ضلعی و تحصیل عہدیداران کے منعقدہ اجلاس سے خطاب کے دوران کیا ، اجلاس کی صدارت ضلعی صدرڈاکٹر وحید اکبر نے کی ،انہوں نے مزید کہا کہ وہ عمران خان کے ویژن سے متاثر ہو کر پاکستان تحریک انصاف میں شامل ہوئے ہیں کیونکہ عمران خان ہی وہ واحد لیڈر ہیں جو ملک کو بحرانوں سے نکال سکتے ہیں ،انہوں نے کہا کہ ہم سب پاکستان تحریک انصاف کے ورکر ہیں ،اور ٹوبہ ٹیک سنگھ کو تحریک انصاف کا قلعہ بنا دیں گے،اس موقع پر صوبائی نائب صدر چوہدری محمد اشفاق نے خطاب کرتے ہوئے کہا کہ ہماری دیرینہ خواہش تھی کہ ریاض فتیانہ جیسے منجھے ہوئے سیاست دان تحریک انصاف کا حصہ ہوں ،ان کی شمولیت سے تحریک انصاف مضبو ط ہو گی،موجودہ حکمران ملک کیلئے سیکیورٹی رسک بن چکے ہیں ،کرپٹ اور نااہل حکمرانوں نے غریب عوام سے روٹی کا لقمہ تک چھین لیاہے ،عوام بے روزگاری سے تنگ آکر خودکشیوں پر مجبور ہیں اور ملک سے ضروریات زندگی کی ہر چیز نایاب ہوتی جا رہی ہے ،بجلی گیس کے بعد عوام پٹرول کیلئے خوار ہو ئے ،لیکن حکمرانوں کے کانوں پر جوں تک نہیں رینگی ،عوام ظالمانہ نظام سے چھٹکارہ حاصل کرنے کیلے عمران خان کا ساتھ دیں ،کیونکہ ناقص نظام نے ”بلے“پر مہریں لگانے والوں کو ہرایا ، ناقص جمہوری نظام کے باعث الیکشن میں ملکی تاریخ کی بدترین دھاندلی کی گئی،اجلاس سے گوجرہ سے تحریک انصاف کے رہنماء اسامہ حمزہ ، چوہدری سعید احمد سعیدی ،سردار خاور شیر خاں گادھی ،ساجدہ آصف کاٹھیہ ،سابق تحصیل ناظمین چوہدری اسد زمان چیمہ ، چوہدری محمود الحسن جٹ ،ضلعی صدر ڈاکٹر وحید اکبر، سینئر نائب صدر عارف جانباز قاضی سمیت دیگر نے بھی خطاب کیا ۔
مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.