نیویارک‘غبارے میں طویل ترین سفر کا نیا عالمی ریکارڈ قائم کر دیا گیا
جمعہ 30 جنوری 2015 12:41
نیویارک (اُردو پوائنٹ تازہ ترین اخبار۔ 30 جنوری 2015ء)دو پائلٹوں نے ہیلیئم گیس سے بھرے غبارے کی مدد سے بحرالکاہل عبور کر کے اس قسم کے غبارے میں طویل ترین سفر کا نیا عالمی ریکارڈ قائم کر دیا میڈیا رپورٹ کے مطابق امریکہ کے ٹرائے بریڈلی اور روس سے تعلق رکھنے والے لیوند توختائیو نے ’ٹو ایگلز‘ نامی غبارے میں اپنے سفر کا آغاز جاپان سے کیا تھا اور ان کا عزم کینیڈا یا امریکہ میں کہیں زمین پر اترنا تھا تاہم موسم کی خرابی کی وجہ سے انھیں اپنا راستہ تبدیل کرنا پڑا اور اب وہ کسی وقت میکسیکو میں اتریں گے۔
جدید ترین غبارے میں ایسے آلات نصب ہیں جو ان کے سفر کے اعدادوشمار ریکارڈ رکھنے والوں کو فراہم کر رہے ہیں یہ غبارہ دس دن تک ہوا میں رہنے کے خیال کے تحت تیار کیا گیاغبارے میں طویل ترین سفر کا ریکارڈ قائم کرنے کیلئے انھیں 1981 میں قائم کیے گئے 5208 میل سفر کے ریکارڈ کو کم از کم ایک فیصد کے فرق سے توڑنا ضروری تھا۔(جاری ہے)
’ٹو ایگلز‘ ٹیم نے ٹوئٹر پر اپنے پیغام میں بتایا کہ پائلٹوں نے نیا ریکارڈ قائم کرنے کیلئے مقرر کردہ 5261 میل یا 8467 کلومیٹر کا فاصلہ طے کر لیامشن کنٹرول کے سربراہ سٹیو شوپ کا کہنا ہے کہ ہم ابھی جشن نہیں منا رہے۔
ہمیں ابھی بہت سا کام کرنا ہے۔ٹیم نے اپنی ویب سائٹ پر کہا کہ سرکاری طور پر ان کا یہ ریکارڈ اسی وقت تسلیم کیا جائے گا جب امریکہ کی قومی ایروناٹیکل ایسوسی ایشن اور عالمی ایروناٹیکل فیڈریشن ریکارڈ کے جائزے کے بعد اس کی تصدیق کر دیں گی۔یہ ٹیم غبارے میں زیادہ سے زیادہ وقت گزارنے کا عالمی ریکارڈ بھی توڑنا چاہتی ہے جسے 1978 میں تین پائلٹوں نے بحرِ اوقیانوس کے آر پار غبارے کی مدد سے پہلے سفر کے دوران 137 گھنٹے پانچ منٹ اور 50 سیکنڈ گیس بھرے غبارے میں گزار کر قائم کیا تھا۔نیا ریکارڈ قائم کرنے کے لیے ٹو ایگلز ٹیم کو 138 گھنٹے اور 45 منٹ غبارے پر گزارنا ہوں گے۔مزید بین الاقوامی خبریں
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
-
سعودی عرب، بس ڈرائیوروں کیلئے یونیفارم کی شرط لازمی کردی گئی
-
برطانیہ،دکانوں میں چوری کے واقعات 20 برس کی بلند ترین سطح پر
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.