کینولہ گوبھی سرسوں کی وہ ملکی اور غیر ملکی اقسام ہیں جن میں مضر صحت اجزاء کی مقدار کافی کم ہوتی ہے،سلطان صلاح الدین
جمعہ 30 جنوری 2015 14:23
فیصل آباد(اُردو پوائنٹ تازہ ترین اخبار۔ 30 جنوری 2015ء) سلطان صلاح الدین ڈائریکٹر تیل دار اجناس ایوب زرعی تحقیقاتی ادارہ فیصل آباد نے کہاہے کہ خان پور رایا اور چکوال سرسوں زیادہ پیداوار دینے والی اقسام ہیں کینولہ گوبھی سرسوں کی وہ ملکی اور غیر ملکی اقسام ہیں جن میں مضر صحت اجزاء کی مقدار کافی کم ہوتی ہے اس لیے ان سے حاصل شدہ تیل صحت کے لیے فائدہ مند ہوتا ہے۔
رایا ،سرسوں اور کینولہ کی فصل پھلیاں بننے اور پکنے کے مراحل میں داخل ہوچکی ہیں اس وقت اس کی بہتر دیکھ بھال سے فی ایکڑ پیداوار میں اضافہ کویقینی بنائیں۔کاشتکار اپنی فصل کو تیسرا پانی پھلیاں بننے پر لگائیں ۔ سست تیلہ ،آر دار مکھی ، گوبھی کی تتلی اور دھبے دار بگ حملہ آور ہو کر فصل کے نقصان کا باعث بنتی ہیں۔(جاری ہے)
سست تیلہ اور دھبے دار بگ کے بالغ اور بچے دنو ں پتوں ، شگوفوں اورپھلیوں سے رس چوستے ہیں جس کی وجہ سے حملہ شدہ پھلیوں میں صحت مند بیج نہیں بنتے ۔
مزید برآں ان کے جسم سے خارج شدہ لیس دار مادے سے تپوں پر سیاہ رنگ کی اُلی لگنے سے پودوں میں خوراک بنانے کا عمل شدید متاثر ہوتا ہے اور پیداوار میں نمایاں کمی ہوجاتی ہے۔ان کیڑوں کے مربوط طریقہ انسداد میں کھیت کو جڑی بوٹیوں سے پاک رکھیں ،کسان دوست کیڑوں کی تعداد بڑھائیں ۔حملہ شدہ فصل کے مڈھوں کو برداشت کے فوراً بعد تلف کریں اس طرح دھبے دار بگ کے انڈے اور بچے تلف ہوجائیں گے۔حملہ زیادہ ہونے کی صورت میں محکمہ زراعت توسیع وپیسٹ وارننگ کے مقامی عملہ کے مشورہ سے سفارش کردہ زہروں کا سپرے کریں۔انہوں نے مزید بتایا ہے کہ سرسوں کی آر دار مکھی اور گوبھی کی تتلی کی سنڈیاں پتوں کو کھا کر نقصان پہنچاتی ہیں اور بعض اوقات صرف رگیں باقی رہ جاتی ہیں یہ شگوفوں کو بھی کھاجاتی ہیں۔شدید حملہ کی صورت میں پودے بیج بنانے میں ناکام رہ جاتے ہیں۔ان سنڈیوں کے مربوط طریقہ انسداد میں چھوٹے پلاٹوں سے انڈوں کے گچھے اور سنڈیاں اکٹھی کرکے اور تتلیاں دستی جال سے پکڑ کر تلف کریں ۔جڑی بوٹیوں کی فوری تلفی کریں اور مفید کیڑوں کی حوصلہ افزائی کریں۔حملہ بڑھ جانے کی صورت میں عصر کے بعد سفارش کردہ زہروں کا سپرے کریںمزید تجارتی خبریں
-
پاکستان میں سونے کی قیمت بلند ترین سطح پر پہنچ گئی
-
ڈالر 37 پیسے مہنگا،کرنسی مارکٹ نے رپورٹ جاری کر دی
-
پاکستان اسٹاک ایکسچینج میں ہفتے کے دوران مثبت رجحان ریکارڈ
-
سونے کی فی تولہ قیمت 1500 روپے اضافہ سے دو لاکھ 52 ہزار 200 سو روپے تک بڑھ گئی
-
برائلر گوشت ، انڈوں کی قیمت مستحکم رہیں
-
متحدہ عرب امارات سے ترسیلات زر میں سالانہ بنیادوں پر نمایاں اضافہ
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.