ٹیکسٹائل پاور لومز گارمنٹس ورکر یونین پنجاب اور لیبر قومی موومنٹ کے سینکڑوں کارکنوں کا سانحہ آکبر آباد میں بوائلر پھٹنے سے جاں بحق ہونے والے پانچ محنت کشوں کے ورثا ء کے ہمراہ لیبر ڈیپارٹمنٹ کے دفتر کے سامنے احتجاجی مظاہر ہ
ہفتہ 31 جنوری 2015 15:01
فیصل آباد(اُردو پوائنٹ تازہ ترین اخبار۔ 31 جنوری 2015ء) ٹیکسٹائل پاور لومز گارمنٹس ورکر یونین پنجاب اور لیبر قومی موومنٹ کے سینکڑوں کارکنوں نے سانحہ آکبر آباد میں بوائلر پھٹنے سے جاں بحق ہونے والے پانچ محنت کشوں کے ورثا ء کے ہمراہ لیبر ڈیپارٹمنٹ کے دفتر کے سامنے احتجاجی مظاہر ہ کیا اور دھرنا دیا اور حکومت بے حسی اور محکمہ لیبر کی مجرمانہ غفلت کے خلاف شدید نعرے بازی کرتے ہوئے کہا کہ سانحہ اکبر آباد میں جاں بحق ہونے والے محنت کشوں کے ورثاء کو دو ہفتے سے زائد گزرنے کے باوجود انہیں معاوضہ کی ادائیگی نہیں کی گئی جس سے محنت کشوں کے لواحقین اور ورثاء کسمپرسی کی زندگی گزار نے پر مجبور ہیں،اس موقع پر مزدور رہنما اسلم معراج ابو زر غفاری ،محمد صدیق ،ثریا بی بی اور رانا ناصر نے کہا کے لیبر قومی موومنٹ حادثہ میں جاں بحق ہونے والے محنت کشوں کے ورثاء کے غم میں برابر کے شریک ہیں اور جب تک ان کے لواحقین کو انصاف نہیں مل جاتا اس وقت تک ورکرز یونین اپنی جدوجہد جاری رکھے گی ،اس واقع میں گل ریز ڈائنگ فیکٹری کے مالک اور ڈی او لیبر اس سانحہ کے برابر کے ذمہ دار ہیں جبکہ فیکٹری مالک گل ریز کے خلاف مقدمہ درج ہونے والے باوجود تاحال اس کو گرفتار نہیں کیا گیا ،انہوں نے وزیر اعلیٰ پنجاب سے مطالبہ کیا ہے کہ اس واقع کا فوری نوٹس لیتے ہوئے مقدمہ میں ملوث فیکٹری مالک اور انتظامیہ کے افسران کو فوری گرفتاری کر کے جاں بحق ہونے والے محنت کشوں کے ورثاء کو ان کے قانون واجبات ادا کئے جائیں انہوں نے اس موقع پر اعلان کیا کہ اگر وزیر اعلیٰ اور ڈی سی او فیصل آباد نے خصوصی گرانٹ کا فوری اعلان نہ کیا اور مقتولین کے ورثاء کو انصاف نہ مہیا کیا گیا تو فیصل آباد کے لاکھوں محنت کش سانحہ اکبر آباد میں جاں بحق ہونیوالوں کی نعشیں قبروں سے نکال کر دوبارہ سڑکوں پر احتجا ج کرینگے مظاہرین نے اس موقع پر چوک آکبر آباد میں دو گھنٹے تک دھرنا دے کر سڑک کو ہر قسم کی ٹریفک کیلئے بند کئے رکھا ۔
متعلقہ عنوان :
مزید تجارتی خبریں
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.