بنوں :بوائز سکول کے باہر سے بم برآمد ، بم ڈسپوزل سکواڈ نے ناکارہ بنا دیا

بدھ 4 فروری 2015 10:44

بنوں(اُردو پوائنٹ اخبار تازہ ترین۔4فروری 2015ء) بنوں میں گورنمنٹ بوائز پرائمری اسکول بادشاہ خان بھرت کے باہر سے بم برآمد ہوا جس کو بم ڈسپوزل سکواڈ نے ناکارہ بنا دیا ، تفصیلات کے مطابق نامعلوم دہشتگرد بادشاہ خان بھرت کے باہر ایک تھیلے میں بم رکھ کر فرار ہوگئے ، طلبہ نے مشکوک تھیلہ دیکھ کر سکول انتظامیہ کو اطلاع دی جنہوں نے بم ڈسپوزل سکواڈ کو طلب کر لیا ، سکواڈ نے تھیلے میں سے بم برآمد کر کے اسے ناکارہ بنا دیا جس سے سکول اور تمام علاقہ بڑی تباہی سے بچ گیا ۔

(جاری ہے)

قانون نافذ کرنے والے اداروں نے شواہد کی بنا پر علاقہ میں سرچ آپریشن شروع کر کے مشکوک افراد کی تلاش کا کام شروع کر دیا ہے ۔