آئی سی سی ورلڈکپ مقابلوں میں اب تک 9اپ سیٹ مقابلے ہوئے ‘ رپورٹ
بدھ 4 فروری 2015 13:02
لاہور(اُردو پوائنٹ تازہ ترین اخبار۔ 04فروی 2015ء)آئی سی سی ورلڈکپ مقابلوں میں اب تک 9اپ سیٹ مقابلے ہوئے ۔اب تک جو اپ سیٹ ہوئے ان کی تاریخ کچھ اس طرح ہے،1979 میں شائقین کرکٹ کو مانچسٹر میں اس وقت ایک دلچسپ حیرت کاسامناکرناپڑا جب سری لنکا نے بھارت کو 47 رنز سے شکست دے دی۔ سری لنکا نے پہلے بیٹنگ کرتے ہوئے پانچ وکٹوں کے نقصان پر 238 رنز بنائے تاہم بھارتی ٹیم 191 رنز بناکرآوٴٹ ہوگئی۔
1983 میں ناٹنگم کے میدان میں زمبابوے نے آسٹریلیا کو 13 رنز سے ہرا کراپ سیٹ کیا۔ زمبابوے نے پہلے بیٹنگ کرتے ہوئے 6 وکٹوں کے نقصان پر 239 رنز بنائے تاہم آسٹریلیا مقررہ اوورز میں سات وکٹوں کے نقصان پر226 رنز ہی بنا سکا۔1996 کے عالمی کپ میں بھارت کے شہر پونا میں کینیا نے ویسٹ انڈیز کو 73 رنز سے شکست دے کر ایک نئی تاریخ رقم کی۔(جاری ہے)
کینا نے پہلے کھیلتے ہوئے 166 رنز بنائے تاہم کالی آندھی صرف 93 رنز پر ہی کینیا کے بالنگ اٹیک کے سامنے ہتھیار پھینک بیٹھی۔
1999 میں انگلینڈ کے شہر نارتھ ہمٹن میں بنگلہ دیش نے پاکستان کو 62 رنز سے شکست دے کر شائقین کرکٹ کو حیران کر دیا۔ بنگلا دیش نے نو وکٹوں کے نقصان پر 223 رنز بنائے جس کے جواب میں گرین شرٹس 120 رنز بناکرآوٴٹ ہوگئی۔2003 کے عالمی کپ میں جنوبی افریقہ کے ڈربن گراوٴنڈ میں کینیڈانے بنگلا دیش کو 60 رنز سے شکست دے کر اپ سیٹ کیا۔کینیڈا نے پہلے کھیلتے ہوئے 180 رنز بنائے تاہم بنگلا دیش 120 رنز پر ہی پولین لوٹ گیا۔2003 کے ورلڈ کپ میں کینیا نے اپنے ہی شہر نیروبی میں سری لنکا کو53 رنز سے شکست دے کر بڑی کامیابی حاصل کی۔کینیا نے پہلے بیٹنگ کرتے ہوئے نو وکٹوں پر 210 رنز بنائے تاہم سری لنکن کی مضبوط ٹیم کی 157 رنزبناکرآوٴٹ ہوگئی۔2007 میں بنگلا دیش نے پورٹ اسپین میں مضبوط بھارت کو پانچ وکٹوں سے شکست دے کر تمام تر توجہ حاصل کر لی۔ بھارت نے پہلے بیٹنگ کرتے ہوئے پانچ وکٹوں کے نقصان پر 192 رنز بنائے اور بنگالی ٹائیگرز نے بھی یہ ہدف پانچ وکٹوں کے نقصان پر ہی پورا کر لیا۔2007میں دوسرا اپ سیٹ اس وقت سامنے آیا جب کینگسٹن میں آئر لینڈ نے پاکستان کو 3 وکٹوں سے ہرا دیا۔ پاکستان نے پہلے کھیلتے ہوئے 132 رنز بنائے جبکہ آئر لینڈ نے یہ ہدف سات وکٹوں کے نقصان پر ہی حاصل کر لیا۔ ورلڈکپ2011ء میں گروپ "بی" کے میچ میں آئرلینڈ نے ایک سنسنی خیز مقابلے کے بعد انگلینڈ کو تین وکٹوں سے شکست دے کر عالمی کپ کا بڑا اپ سیٹ کردیا۔بھارتی شہر بنگلور کے "چنا سوامی اسٹیڈیم" میں ہونے والے میچ میں انگلینڈ نے ٹاس جیت کر آئرلینڈ کے خلاف پہلے کھیلتے ہوئے مقررہ پچاس اوورز میں آٹھ وکٹوں کے نقصان پر 327 رنز بنائے۔بعدمیں بیٹنگ کرتے ہوئے آئرلینڈنے مطلوبہ ہدف 7وکٹوں کے نقصان پرپوراکرلیا۔مزید کھیلوں کی خبریں
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
-
پی سی بی کا ریڈ اور وائٹ بال کرکٹ کیلئے الگ الگ کوچ مقرر کرنے کا فیصلہ
-
بابر اعظم کو ایک بار پھر قومی ٹی ٹونٹی ٹیم کی کپتانی سونپنے کا فیصلہ
-
پاکستان کے دورہ آئرلینڈ کے ٹی ٹونٹی میچز کے شیڈول کا اعلان
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.