سانحہ پشاور کی تحقیقات میں تاخیر: شہید بچوں کے والدین سڑکوں پر آگئے

ہفتہ 7 فروری 2015 15:09

پشاور(اُردو پوائنٹ اخبار تازہ ترین۔7فروری 2015ء) .آرمی پبلک سکول پر دہشت گردوں کے حملے میں شہید ہونے والے بچوں کے والدین نے اپنا یہ مطالبہ دھرایا ہے کہ واقعے کی تحقیقات مکمل کرکے ان کے جگرگوشوں کے قاتلوں کو کیفر کردار تک پہنچایا جائے۔

(جاری ہے)

شہداء فورم کی کال پر آرمی پبلک سکول میں دہشت گردی کا شکار ہونے والے بچوں کے لواحقین امن چوک پر جمع ہوگئے۔ شہداء سے متعلق نغمے بجائے گئے۔ اس موقع پر شہداء کے لواحقین زاروقطار رو رہے تھے۔ شہداء کے والدین بعد ازاں ریلی کی شکل میں آرمی پبلک سکول روانہ ہوگئے۔شہداء کی ماووں کا کہنا تھا کہ ان کا صرف ایک ہی مطالبہ ہے کہ واقعے کی تحقیقات فوری طور پر مکمل کی جائے اور معصوم بچوں کے خون سے ہاتھ رنگنے والوں کو کیفر کردار تک پہنچایا جائے۔