سعودی شاہ سلمان بن عبدالعزیز نے مسجد الحرام کے توسیع شدہ حصے کو کھولنے کی ہدایت کردی
جمعہ 20 فروری 2015 16:35
مکہ مکرمہ(اُردو پوائنٹ تازہ ترین اخبار۔ 20فروی 2015ء) خادم الحرمین الشریفین شاہ سلمان بن عبدالعزیز نے مکہ مکرمہ میں نمازیوں اور زائرین عمرہ کی بڑھتی ہوئی تعداد کے پیش نظرمسجد الحرام کے توسیع شدہ حصے کو کھولنے کی ہدایت کردی۔سعودی میڈیا رپورٹس کے مطابق مسجد الحرام اور مسجد نبوی پریزیڈینسی کے سربراہ شیخ عبدالرحمان السدیس نے بتایا ہے کہ شاہ سلمان بن عبدالرحمان نے مسجد الحرام کے مکمل ہونے والے حصے کو نمازیوں کے لیے کھولنے کی ہدایت کی ہے۔
اس سے دنیا بھر سے آنے والے ہزاروں عمرہ زائرین کو عبادت میں سہولت میسر ہوگی۔اس توسیع شدہ حصے کو کھولنے سے قبل مطاف کی تیسرے مرحلے میں توسیع کا کام بھی جاری تھا جس کی وجہ سے زائرین عمرہ اس کے ایک حصے کی جانب نہیں جا سکتے تھے۔(جاری ہے)
مسجد الحرام میں شاہ عبداللہ حرم توسیعی منصوبے کے تحت مزید جگہ کو شامل کیا گیا ہے اور اس پر نئی تعمیرات کی گئی ہیں جس کے بعد اب مسجد الحرام میں مزید قریباً پانچ لاکھ نمازی بیک وقت نماز ادا کرسکیں گے۔
شیخ عبدالرحمان السدیس کا کہنا ہے کہ مطاف کے اس توسیع شدہ حصے کے کھلنے سے اب زائرین اور عبادت گزار کسی رکاوٹ کے بغیر طواف کعبہ کرسکیں گے اور انھیں کسی دشواری کا سامنا نہیں کرنا پڑے گا۔واضح رہے کہ سعودی عرب کے مرحوم فرمانروا شاہ عبداللہ بن عبدالعزیز نے اسّی ارب ریال کی لاگت سے مسجد الحرام کا توسیع منصوبہ شروع کیا تھا۔اس کی تکمیل سے مسجد میں بیک وقت بیس لاکھ نمازی نماز ادا کرسکیں گے اور مطاف کی توسیع سے ایک گھنٹے میں بیک وقت ایک لاکھ تیس ہزار زائرین طواف کعبہ کرسکیں گے۔درایں اثناء خادم الحرمین الشریفین شاہ سلمان بن عبدالعزیز نے مسجد الحرام اور مسجد نبوی میں دیے جانے والے جمعے کے خطبات کے رترکی اور ہاوٴسا زبانوں میں ترجمے کی بھی ہدایت کی ہے۔اس سے پہلے جمعہ کے خطبات کے انگریزی ،فرانسیسی ،اردو اور مالے زبان میں براہ راست ترجمے کیے جارہے ہیں۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مسجد اقصی میں یہودیوں کی قربانی کی رسم کی ادائیگی
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
دنیا کے بہترین شوہر نے تحفے میں بیوی کو آدھی حکمرانی دیدی
-
اروند کیجریوال کو جیل میں انسولین دے دی گئی
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سینیٹ سے منظوری ملتے ہی یوکرین کو امداد فراہم کردیں گے، بائیڈن
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.