اریبہ قتل کیس ، بنک افسر کو حراست میں لے لیا گیا

بدھ 25 فروری 2015 13:22

لاہور (اُردو پوائنٹ اخبار تازہ ترین۔25فروری 2015ء) لاہور میں پراسرار طور پر ہلاک ہونے والی اریبہ کے قتل کیس کی تحقیقات جاری ہیں ، پولیس نے بنک افسر فاروق کو حراست میں لے لیا ۔ اریبہ کی بہن کا کہنا ہے گیارہ جنوری کو رات دس بجے اریبہ سے بات کے بعد اُس کے فون بند ہوگئے ۔ اریبہ کے پراسرار قتل کا معمہ حل کرنے کیلئے پولیس کی تفتیش جاری ہے ، اریبہ قتل کیس میں زیر حراست ملزمہ طوبیٰ کی ملازمہ کے انکشاف پر طوبیٰ کے ایک بنکر دوست فاروق کو بھی حراست میں لے لیا گیا ہے ۔

پولیس نے اسے تفتیش کے لیے نامعلوم مقام پر منتقل کر دیا ہے ۔ تحقیقات کے دوران پولیس نے اریبہ کے گھر سے اہم تصاویر اور شواہد بھی اکٹھے کر لیے ہیں ، اریبہ کی بہن نے گفتگو میں بتایا کہ گیارہ جنوری کو رات دس بجے ان کی اریبہ سے آخری بار گفتگو ہوئی جس کے بعد اُس کے فون بند ہوگئے ۔

(جاری ہے)

اریبہ کے بھائی ذوہیب کا کہنا ہے کہ ملزمہ طوبیٰ اور اس کے ساتھی پیشہ ور ملزم ہیں ۔ اس کے قتل میں چھ افراد ملوث ہیں ۔ دوسری طرف اریبہ قتل کیس کی ابتدائی رپورٹ بھی تیار کر لی گئی ہے ، رپورٹ میں نشہ آور ادویات کی زیادتی سے عریبہ کی موت کے خدشے کا اظہار بھی کیا گیا ہے ۔ اریبہ کے پوسٹ مارٹم کے بعد اس کے جسمانی اعضا فرانزک لیب بھیجے جا چکے ہیں ۔ رپورٹ کے بعد اس کی موت کی وجہ کا علم ہوگا ۔

Facebook Twitter Google + Share on Whatsapp

اریبہ قتل کیس ، بنک افسر کو حراست میں لے لیا گیا

متعلقہ عنوان :

مزید اہم خبریں