راجر فیڈرر اور جوکووچ دبئی اوپن ٹینس کے کوارٹر فائنل میں پہنچ گئے

جمعرات 26 فروری 2015 14:25

راجر فیڈرر اور جوکووچ دبئی اوپن ٹینس کے کوارٹر فائنل میں پہنچ گئے

دبئی/میکسیکوسٹی (اردپوائنٹ۔تازہ ترین اخبار ۔26 فروری 2015 ) عالمی نمبر ایک نوواک جوکووچ اور روجر فیڈرر دبئی اوپن ٹینس ٹورنامنٹ کے کوارٹر فائنل میں پہنچ گئے۔ میکسیکو اوپن ٹورنامنٹ میں دفاعی چیمپئن گریگور دمیتروو کو اپ سیٹ شکست ہو گئی۔ دبئی میں جاری ٹینس ٹورنامنٹ میں ٹاپ سیڈ نوواک جوکووچ کا سامنا ، قازق حریف اینڈرے گلوبیو سے ہوا۔

(جاری ہے)

سربین سٹار جوکووچ نے گلوبیو کو سٹریٹ سیٹس میں چھ ایک اور چھ دو سے شکست دیکر کوارٹر فائنل میں جگہ بنائی ، سنگلز کے ایک اور میچ میں دفاعی چیمپئن سوئس سٹار روجر فیڈرر نے سپینش حریف فرنانڈو ورڈیسکو کو دلچسپ مقابلے کے بعد شکست دی۔

فیڈرر نے چھ چار اور چھ تین سے کامیابی کے ساتھ کوارٹر فائنل میں پہنچے جہاں ان کا مقابلہ فرانس کے رچرڈ گیسکوئیٹ سے ہو گا۔ دوسری جانب میکسیکو میں ہونیوالے ٹینس ٹورنامنٹ میں دفاعی چیمپئن گریگور دمیتروو کو ان سیڈڈ کھلاڑی ریان ہیریسن سے اپ سیٹ شکست کا سامنا کرنا پڑا۔ 22 سالہ امریکن ہیریسن نے تھرڈ سیڈڈ بلغاریہ کے دمیتروو کو کانٹے کے مقابلے میں آوٴٹ کلاس کیا۔ ہیریسن کی فتح کا سکور سات پانچ ، چار چھ اور چھ صفر رہا۔

متعلقہ عنوان :