حکومت اور تحریک انصاف کی سوچ ایک جیسی ہے ، جوڈیشل کمیشن پر اختلافات ختم ہو گئے ہیں : اسحاق ڈار
جمعرات 26 فروری 2015 21:35
اسلام آباد(اُردو پوائنٹ اخبارتازہ ترین۔26فروری۔2015ء) وفاقی وزیر خزانہ اسحاق ڈار اور تحریک انصاف کے رہنماءجہانگیر ترین کے درمیان ملاقات ہوئی ہے جس کے بعد دونوں رہنماﺅں نے میڈیا سے بات کرتے ہوئے سینیٹ الیکشن میں ہارس ٹریڈنگ روکنے کے لیے عملی اقدامات کرنے پر اتفاق کیا ہے۔اسحاق ڈار نے میڈیا سے بات کرتے ہوئے کہا ہے کہ سینیٹ الیکشن میں ہارس ٹریڈنگ کے حوالے سے حکومت اور تحریک انصاف کی سوچ ایک جیسی ہے جبکہ دونوں جماعتوں کی کوشش ہے کہ ہارس ٹریڈنگ کا ہمیشہ کے لیے خاتمہ ہو جائے۔
ان کا کہنا تھا کہ ن لیگ کی بھرپور کوشش ہے کہ سینیٹ الیکشن میں ہارس ٹریڈنگ روک سکے جبکہ اس لعنت کے خاتمے کے لیے تمام جماعتوں کے رہنماﺅں سے رابطے میں بھی ہیں۔ان کا کہنا تھا کہ ملک کو اس وقت 3 بڑے چیلنجز کا سامنا ہے جبکہ ہارس ٹریڈنگ کے خاتمے کے لیے وزیر اعظم نے کل ایک اہم اجلاس طلب کر لیا ہے۔(جاری ہے)
تحریک انصاف اور حکومت کے درمیان جوڈیشل کمیشن کے حوالے سے جاری بحران کے حوالے سے اسحاق ڈار کا کہنا تھا کہ جوڈیشل کمیشن پر تحریک انصاف کے ساتھ بہت حد تک اختلافات ختم ہو گئے ہیں جبکہ دوسری جانب سیاسی جرگہ بھی جوڈیشل کمیشن کے قیام سے متعلق کوششیں کر رہا ہے۔
ان کا کہنا تھا کہ میں نے جرگے کو جمعرات کو اس حوالے سے جواب دینے کو کہا تھا جبکہ 6 میں سے 5 نکات کو ریویو کر لیا گیا ہے اور زیادہ تر اختلافات ختم ہو چکے ہیں۔ان کا کہنا تھا کہ حکومت کی پوری کوشش ہے کہ جلد جوڈیشل کمیشن قائم کر لیا جائے تاکہ بحران جلد حل ہو سکے۔انہوں نے میڈیا کو بتایا کہ حکومت کی جانب سے تحریک انصاف کو اسمبلی اجلاس میں آنے کی دعوت دی گئی ہے جبکہ ان کی جان سے اجلاس میں آنے سے انکار نہیں کیا گیا۔تحریک انصاف کے رہنماءجہانگیر ترین کا کہنا تھا کہ اسحاق ڈار سے تفصیلی بات ہوئی ہے جبکہ غلط لوگوں کو سیاست سے نکالنا چاہتے ہیں۔ان کا کہنا تھا کہ ہارس ٹریڈنگ سیاست دانوں پر بدنماءداغ ہے جبکہ ووٹ کی خرید و فروخت کرنے والے ایم پی اے کے خلاف کاروائی ہونی چاہیئے۔ان کا کہنا تھا کہ تحریک انصاف سینیٹ الیکشن کے لیے خفیہ بیلیٹ پیپر کے حق میں نہیں ہے جبکہ الیکشن میں خرید و فروخت روکنے کے لیے سب جماعتوں کو عملی اقدامات کرنے ہوں ہے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.