پنجاب حکومت نے مشکوک افراد کی نگرانی کیلئے 5 ہزار چپس خرید لیں‘ فورتھ شیڈول میں شامل افراد کے پاؤں میں لگائی جائیں گی

جمعہ 27 فروری 2015 13:07

پنجاب حکومت نے مشکوک افراد کی نگرانی کیلئے 5 ہزار چپس خرید لیں‘ فورتھ ..

لاہور(اردپوائنٹ۔تازہ ترین اخبار ۔27 فروری 2015) پنجاب حکومت نے پانچ ہزار چِپس خرید لیں ، پہلے مرحلے میں سات سو افراد کے پاوٴں میں لگائی جائیں گی۔پنجاب حکومت کے امن و امان کے قیام کے لیے جدید ترین اقدامات ۔ فورتھ شیڈول میں شامل افراد کو قانون کی نظروں میں رکھنے لیے جدید ترین طریقہ اختیار کرنے کا فیصلہ کیا گیا ہے۔

(جاری ہے)

ہالی وڈ کی فلموں میں بھی اکثر دکھایا جاتا ہے کہ مخصوص افراد کی کڑی نگرانی کے لیے انہیں چِپس لگا دی جاتی ہیں جس کے بعد ان کی ہر نقل و حرکت قانون نافذ کرنے والے اداروں کی نظر میں رہتی ہے۔

پنجاب حکومت نے فورتھ شیڈول میں شامل افراد کی مانیٹرنگ کے لیے 5 ہزار چِپس خرید لیں۔ ان افراد کو ہر لمحہ قانون کی نگاہوں میں رکھنے لیے چِپس ان کے پاوٴں میں لگائی جائیں گی۔ پہلے مرحلے میں سات سو اور دوسرے مرحلے میں آٹھ سو افراد کے پاوٴں میں چِپس لگائی جائیں گی۔ ذرائع کے مطابق یہ چِپس تین مختلف ممالک سے منگوائی گئی ہیں جن میں امریکا ، ترکی اور سوئٹزرلینڈ شامل ہیں۔ چِپ کی میعاد کم از کم ایک برس زیادہ سے زیادہ تین برس ہے۔

متعلقہ عنوان :