پنجاب اسمبلی ‘ حکومتی اور اپوزیشن پر مشتمل 12رکنی خصوصی کمیٹی نے اراکین اسمبلی کی تنخواہوں اور مراعات میں اضافے پر اتفاق کر لیا،
ارکان اسمبلی کی بنیادی تنخواہ 12 ہزار سے بڑھا کر 30 ہزار‘ ایڈیشنل ٹریولنگ الاؤنس 75 ہزار سے بڑھا کر 1 لاکھ 20 ہزار‘اکاموڈیشن الاؤنس 15 سو سے بڑھا کر 25 سو روپے تجویز دی گئی ہے ‘ ہ سفارشات حتمی منظوری اور قانون سازی کیلئے وزیر اعلیٰ کو بھجوا ئی جائیں گی
منگل 3 مارچ 2015 23:21
لاہور(اُردو پوائنٹ اخبار تازہ ترین۔03مارچ۔2015ء) پنجاب اسمبلی میں حکومتی اور اپوزیشن پر مشتمل 12رکنی خصوصی کمیٹی نے اراکین اسمبلی کی تنخواہوں اور مراعات میں اضافے پر اتفاق کر لیا ‘ کمیٹی کی تیار کردہ سفارشات حتمی منظوری اور پنجاب اسمبلی میں قانون سازی کیلئے وزیر اعلیٰ پنجاب کو بھجوا ئی جائیں گی ۔ تفصیلات کے مطابق پنجاب اسمبلی میں حکومتی اور اپوزیشن اراکین نے دیگر صوبوں کی نسبت پنجاب اسمبلی کے اراکین کی تنخواہ اور مراعات کم ہونے پر احتجاج کیا تھا جس پر قائمقام اسپیکر سردار شیر علی گورچانی کی طرف سے وزیر قانون کی سربراہی میں 12رکنی کمیٹی قائم کر کے کے سات روز میں رپورٹ طلب کی تھی ۔
ذرائع کے مطابق خصوصی کمیٹی نے اراکین اسمبلی کی تنخواہوں اور مراعات میں اضافے کے حوالے سے جائزہ لے کر اپنی سفارشات مرتب کر لی ہیں اور اس پر کمیٹی میں شامل تمام اراکین کا اتفاق ہے ۔(جاری ہے)
ذرائع کے مطابق کمیٹی کی سفارشات کو حتمی منظوری کے لئے جلد وزیر اعلیٰ پنجاب کو بھجوائے جانے کا امکان ہے اور وزیر اعلیٰ پنجاب اس کا فیصلہ کریں گے اور اضافے کی صورت میں وزارت خزانہ باضابطہ نوٹیفکیشن جاری کرے گا۔
ذرائع کے مطابق کمیٹی نے ارکان اسمبلی کی بنیادی تنخواہ 12 ہزار سے بڑھا کر 30 ہزار کرنے کی تجویز دی ہے۔ ہاؤس رینٹ الاؤنس 10 ہزار سے بڑھا کر 20 ہزار جبکہ آفس مینٹینس اؤلانس 10 ہزار روپے ہی برقرار رکھنے کی سفارش کی گئی ہے۔ ٹیلی فون الاؤنس 5 ہزار سے بڑھا کر 10 ہزار ،اخراجاتی الاؤنس 5 ہزار سے 10 ہزار جبکہ یوٹیلیٹی الاؤنس 3 ہزار سے بڑھا کر ساڑھے 4 ہزار کرنے کی تجویز دی گئی ہے۔ ایڈیشنل ٹریولنگ الاؤنس 75 ہزار سے بڑھا کر 1 لاکھ 20 ہزار کرنے کی تجویز دی گئی ۔ دوران سیشن روزانہ الاؤنس ساڑھے 6 سو سے بڑھا کر 1 ہزار جبکہ کنوینس الاؤنس 4 سو سے بڑھا کر 500 روپے کرنے کی تجویز دی گئی ہے ۔ٹریولنگ الاؤنس 5 روپے فی کلو میٹر بڑھا کر 15 روپے فی کلو میٹر اور اکاموڈیشن الاؤنس 15 سو سے بڑھا کر 25 سو روپے تجویز کر دیا گیا۔ پٹرول اور کار مینٹیننس الاؤنس 15 ہزار سے بڑھا کر 20 ہزار روپے تجویز کیا گیا ۔ چیئرمین اسٹینڈنگ کمیٹی کیلئے سپیشل الاؤنس 3500 سے بڑھا کر 10 ہزار روپے کرنے کی تجویز بھی دی گئی ۔بتایا گیا ہے کہ تنخواہوں میں اضافے کو قانون سازی کے ذریعے لاگو کیا جائے گا ۔ کمیٹی نے وزیر اعلی ،اسپیکر ،ڈپٹی اسپیکر، اپوزیشن لیڈر ، وزرا ء ،پارلیمانی سیکرٹریز اور معاون خصوصی کو بھی اسی تناسب سے اضافہ دینے کی سفارش کر دی۔متعلقہ عنوان :
مزید اہم خبریں
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
سپریم کورٹ حسان نیازی اورعباد فاروق کی جبری گمشدگی کا فوری نوٹس لے
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.