سرکاری شعبے کی طرح نجی شعبے میں بھی خواتین کیلئے نوکری کا کوٹہ مختص کیا جائے گا‘ بیگم ذکیہ شاہنواز
بدھ 4 مارچ 2015 16:20
لاہور ( اُردو پوائنٹ اخبار تازہ ترین۔04مارچ۔2015ء )وزیر بہبود آبادی پنجاب بیگم ذکیہ شاہ نواز نے کہا ہے کہ خواتین کے حقوق کے تحفظ کیلئے کئے جانے والے حکومتی اقدامات سے آگاہ کرنے کیلئے ہر سطح پر جاری مہم میں تیزی لائی جا رہی ہے۔یہ بات انہوں نے گورنمنٹ اسلامیہ کالج کوپر روڈ پر خواتین کے عالمی دن کے حوالے سے خطاب کرتے ہوئے کہی۔ انہوں نے کہا کہ خواتین پر تشدد کی روک تھام وراثتی جائیداد کی منتقلی اور لوکل باڈیز میں خواتین کی موٴثر نمائندگی کیلئے اقدامات کئے جا رہے ہیں۔
انہوں نے کہا کہ حکومت نے خواتین کو ملکی ترقی کے دھارے میں شامل کرنے کیلئے متعدد مثالی اقدامات کئے ہیں۔ نئے قوانین متعارف کروانے کے ساتھ بعض پرانے قوانین کی ترامیم کی گئی ہیں جن سے خواتین زیادہ پراعتماد ہوکر قومی و معاشی ذمہ داریاں ادا کر رہی ہیں۔(جاری ہے)
بیگم ذکیہ شاہنواز نے کہا کہ ملازمت پیشہ خواتین کے تحفظ کے ایکٹ 2012میں ترمیم، ایسڈبل ، خواتین کے تعلیمی اداروں میں خواتین کنٹریکٹرز اور عملے کی تعیناتی، تربیتی کورسوں میں خواتین کے حقوق کے تحفظ کے اقدامات اور تعلیمی نصاب میں خواتین کے معاشی و معاشرتی کردار کے حوالے سے نئے اسباق متعارف کروائے جا رہے ہیں۔
انہوں نے کہا کہ سرکاری شعبے کی طرح نجی شعبے میں بھی خواتین کیلئے نوکری کا کوٹہ مختص کیا جائے گا۔صوبائی وزیر نے کہا کہ کسی بھی بورڈ آف گورنرز میں خواتین کی 33فیصد نمائندگی لازمی قرار دی جاچکی ہے۔ انہوں نے کہا کہ زچگی سے 30دن پہلے اور زچگی کے 30دن بعد خواتین ورکروں سے سخت کام لینے پر پابندی کی سمری منظور ہوچکی ہے۔ انہوں نے کہا کہ ہوم بیسڈ ورکرز کیلئے پالیسی کا مسودہ حتمی رائے کیلئے محکمہ قانون کو بھجوایا جا رہا ہے۔ خواتین کے وراثت کی منتقلی کو یقینی بنانے اور ہراسمنٹ مہم کی مانیٹرنگ بھی کی جا رہی ہے۔مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.