رحیم یارخان،پسند کی شادی کرنے والے نوجوان کی دو کمسن بہنیں ونی کر دی گئیں
جمعرات 5 مارچ 2015 23:47
رحیم یارخان (اُردو پوائنٹ اخبارتازہ ترین - این این آئی۔5 مارچ۔2015ء) زمانہ جہالت کا قانون نافذ ،پسند کی شادی کرنے والے نوجوان کی دو کمسن بہنیں ونی کر دی گئیں ،12سا لہ تسرو،10سالہ رضوانہ کو 50سالہ اسلم رانا کے حوالے کر دیا گیا تسرو کی رخصتی ہوئی یا رضوانہ کی رخصتی معماء بن گئی ،تین ماہ قبل سابق ناظم قادر پور حامد شاہ کی سربراہی میں طے پانے والی پنچائیت کے کالے فیصلے پر عمل درآمد ہو گیا،ڈی پی او رحیم یارخان کا حکم ہوا میں اڑا دیا گیا ،تفصیل مطابق تین ماہ قبل بستی قاسم غازی برار کے رہائشی محمد یعقوب اور زہرہ بی بی نے پسند کی شادی کی تو زہرہ بی بی کے والد ڈاکٹر اسلم اور قریبی عزیز و اقارب پسند کی شادی کرنے والے جوڑے کے جان کے دشمن بن گئے اور پسند کی شادی کرنے والے نوجوان یعقوب گوپانگ سمیت ان کے گھر والوں کو ایک ساتھ قتل کرادینے کی دھمیکوں کے ساتھ پولیس تھانہ ظاہر پیر میں جھوٹا مقدمہ نمبر 761/14بجرم 397درج کر ا کے حراساں کیا اور اس دوران سابق ناظم قادر پور پیر حامد شاہ کی سربراہی میں دس رکنی کمیٹی رانا یسین ،رانا خادم ،رانا طالب حسین ،رانا ستار ،رانا ریاض ،عبدالرزاق ،عبدالغفور ،فاروق احمد ،اللہ ڈتہ ،غلام نازک نے فیصلہ کیا کہ پسند کی شادی کرنے والے نو جوان یعقوب کی سزاء کے بدلے میں دو کم سن نابالغ بہنیں تسرو بی بی عمری 12سال ،رضوانہ بی بی عمری 10سال پسند کی شادی کرنیوالی لڑکی زہرہ بی بی کے 50سالہ والد ڈاکٹر اسلم رانا کے حوالے کر دی جائیں اسی دوران سابق ناظم کے کالے فیصلے کی خبر میڈیا کو موصول ہوئی تو ڈسٹرکٹ پولیس آفیسر رحیم یارخان سہیل ظفر چٹھہ کو علم ہوا تو انہوں نے فوری کارروائی کرکے رخصتی رکواء دی لیکن تین ماہ بعد کالے فیصلے پر عمل درآمد ہو گیا پنچائیت کے فیصلے کے مطابق 12سالہ تسرو اور 10سالہ رضوانہ کو 50سالہ ڈاکٹر اسلم کے حوالے کر دیا گیا اور تاحال پتہ نہیں چل سکا کہ نکاح اور رخصتی کس کم سن نا بالغ کس حواء کی بیٹی کی ہوئی ہے رخصتی کا معاملہ معماء بن گیا جبکہ اس زمانہ جہالت کی رسم پر انسانی حقوق کی تنظیم عورت فاؤنڈیشن کے لیگل ایڈوائزر حسن معاویہ بلوچ ایڈووکیٹ نے کہا ہے کہ ایسے فیصلوں پر تمام قانون نافذ کرنے والے ادارے اور حکام برابر کے گناہ گار ہیں دنیابھر میں کمسن اور نابالغ بچیوں کے حقوق کی خاطرسخت سے سخت سزائیں ہیں جبکہ ہمارے ملک میں پولیس کو بے بس دیکھ رہے ہیں انہوں نے کہا ہے کہ فوری طور پر پنچائیتیوں اور 50سالہ اسلم رانا کے خلاف مقدمہ درج کرکے انصاف کی فراہمی کو یقینی بنائیں اور نا بالغان کو بر آمد کیا جائے ۔
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.