نیشنل ہارس اینڈ کیٹل شو میں چاروں صوبوں کی ثقافت کا مظاہرہ قومی یکجہتی کی علامت ہے ‘سید قائم علی شاہ،نیشنل ہارس اینڈ کیٹل شو جیسے پروگراموں کے انعقاد سے بھائی چارے اور محبت کے جذبات پروان چڑھتے ہیں،نیشنل ہارس اینڈ کیٹل شو کے دوبارہ انعقاد پر وزیر اعلی پنجاب محمد شہباز شریف مبارکباد کے مستحق ہیں‘وزیر اعلی سندھ کا خطاب ،دوسرے روز بچوں نے یونٹی ٹیبلو ، فوک ڈانس پیش کیا ، رینجرز کے جوانوں کا بینڈ پریڈ، موٹر سائیکل پر کرتب ، نیزہ بازی کا شانداہ مظاہرہ
جمعہ 6 مارچ 2015 18:13
لاہور(اُردو پوائنٹ اخبارتازہ ترین - این این آئی۔6 مارچ۔2015ء) وزیر اعلی سندھ سید قائم علی شاہ نے کہا ہے کہ نیشنل ہارس اینڈ کیٹل شو میں چاروں صوبوں کی ثقافت اور روایات کا مظاہرہ نہ صرف متاثرکن بلکہ قومی یکجہتی ا ور اتحاد و یگانگت کی علامت ہے ،اس طرح کے شوکے انعقاد سے بھائی چارے اور محبت کے جذبات پروان چڑھتے ہیں ، میں وزیراعلی پنجاب محمد شہباز شریف کا مشکور ہوں کہ انہوں نے قومی سطح کے اس شو میں مدعو کیا ۔
ان خیالات کا اظہار انہوں نے نیشنل ہارس اینڈ کیٹل شو کے دوسرے روز خطاب کرتے ہوئے کیا ۔اس موقع پر صوبائی وزراء رانا مشہود احمد خاں اور خلیل طاہر سندھو ، ممبر قومی اسمبلی پرویز ملک اور ڈی جی رینجرز میجر جنرل خان طاہر جاوید خان ، اعلی حکام اور عوام کی کثیر تعداد موجود تھی ۔(جاری ہے)
صوبائی وزیر اقلیتی امور خلیل طاہر سندھو نے وزیر اعلی سندھ سید قائم علی شاہ کو خو ش آمدید کہا ۔
مہمان خصوصی کو بگھی میں سلامی کے چبوترے پر لایا گیا۔ بچوں نے یونٹی ٹیبلو پیش کیا اور پاکستان کا جھنڈا بنایا جس کو شائقین نے بے حد سراہا ۔ آرمی بینڈ نے قومی ترانوں کی محسور کن دھنیں پیش کیں ۔ رینجرز کے جوانوں نے ریڈ پریڈ کا شاندار مظاہرہ کیا اور اور بندوق کو گھمانے کی شاندار پرفارمنس دی اور شائقین سے بھر پور داد وصول کی ۔ اس موقع پر کیول کیڈ ، نیزہ بازی ، گھوڑا ناچ ، ڈاگ ریس اور پی ٹی شو کا مظاہرہ کیا - ملٹری پولیس کے جوانوں نے موٹر سائیکل پر دل موہ لینے والے کرتب پیش کئے خاص طو رپر جو کر کے کرتب کو بچوں نے بے حد سراہا ۔وزیر اعلی سندھ سید قائم علی شاہ نے کہا کہ گیارہ سال بعد نیشنل ہارس اینڈ کیٹل شو کے دوبارہ انعقاد پر وزیر اعلی پنجاب محمد شہباز شریف مبارکباد کے مستحق ہیں ۔ انہوں نے کہا کہ رینجرز کے جوانوں نے جو آئٹم پیش کئے ہیں وہ قابل دید اور متاثر کن ہیں ۔صوبائی وزیر تعلیم رانا مشہود احمد نے تقریب سے خطاب کرتے ہوئے کہا کہ زندہ دلان لاہو رنے نیشنل ہارس اینڈ کیٹل شو میں شرکت کر کے پاکستان کے ساتھ محبت کا ثبوت دیا ہے ۔ انہوں نے کہا کہ وقت کا تقاضاہے کہ ہم ایک مٹھی کی طرح اکٹھے ہو کر کام کریں ۔ انہوں نے کہا کہ سول و ملٹری ادارے اپنے اشتراک عمل سے ملک میں امن لے کر آئے ہیں ۔انہوں نے کہا کہ وہ وزیر اعلی سندھ سید قائم علی شاہ کے مشکور ہیں کہ وہ یہاں تشریف لائے۔ اس موقع پر وزیر اعلی سندھ کو صوبائی وزیر رانا مشہود احمد خان نے نیشنل ہارس اینڈ کیٹل شو کا سونیئر جبکہ خلیل طاہر سندھو نے تصاویری البم پیش کی۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.