پاکستانی ٹیم کا نیا اسٹار؟
اتوار 8 مارچ 2015 12:35
آک لینڈ (اُردو پوائنٹ اخبارتازہ ترین۔8مارچ۔2015ء) پاکستان نے وکٹ کیپر سرفراز احمد کی شکل میں ایک نیا اسٹار تلاش کرلیا ہے جنھوں نے جنوبی افریقہ کے خلاف بے مثال کارکردگی کا مظاہرہ کرتے ہوئے چھ کیچز پکڑنے کا عالمی ریکارڈ برابر کردیا اور 49 رنز کی تیز رفتار اننگ کھیل کر ٹیم کے سب سے خطرناک بلے باز بن کر ابھرے۔ سرفراز احمد کو ہفتہ کو آک لینڈ کے ایڈن پارک میں کھیلے جانے والے میچ کے لیے گیارہ رکنی اسکواڈ میں جگہ خراب فارم کے شکار ناصر جمشید کے متبادل کے طور پر ملی۔
اس سے پہلے میچز میں پاکستان عارضی وکٹ کیپر عمر اکمل پر انحصار کررہا تھا جنھوں نے متعدد کیچز ڈراپ کردیئے مگر ان کی بیٹنگ کی صلاحیت کو اہم تصور کیا جارہا تھا۔ پاکستان کو اب اپنی اس حکمت عملی پر نظرثانی کرنے کی ضرورت محسوس ہورہی ہوگی۔(جاری ہے)
سرفراز احمد کی مین آف دی میچ پرفارمنس جن میں جنوبی افریقی اوپنر ہاشم آملہ کا ایک ہاتھ سے پکڑا گیا ناقابل یقین کیچ بھی شامل تھا، جنھوں نے وکٹ کیپر کو کیچ تھمانے سے قبل نو چوکوں کی مدد سے 38 رنز بنالیے تھے۔
سرفراز احمد اس لو اسکورنگ مگر سنسنی خیز مقابلے میں کامیابی کی کنجی ثابت ہوئے۔ سرفراز احمد نے مین آف دی میچ بنائے جانے کے موقع پر کہا " میں یہ موقع فراہم کرنے پر دنیا اور پاکستان کا شکرگزار ہوں، میں اپنے خاندان سمیت ان سب کا شکریہ ادا کرنا چاہتا ہوں جنھوں نے مجھے سپورٹ کیا یہ میرا ورلڈکپ کا ڈیبیو میچ تھا"۔ پاکستانی اننگ میں سرفراز نے اوپن کیا اور اپنی ٹیم کے ٹورنامنٹ میں سب سے بہترین آغاز مٰں مدد فراہم کی یعنی پہلی وکٹ کی شراکت پر تیس رنز۔ محتاظ آغاز کے بعد سرفراز نے باﺅلنگ پر کنٹرول حاصل کرلیا اور جے پی ڈومینی کے ایک اوور میں تین چھکے لگائے۔ مگر اگلے اوور میں جب وہ 48 رنز بناچکے تھے، سرفراز نے بیک ورڈ اسکوائر کی جانب ایک ہٹ لگائی اور دو رن لینے کی کوشش کی تاکہ ففٹی مکمل ہوجائے مگر ڈیوڈ ملر کے ہاتھوں رن آﺅٹ ہوگئے۔ اپنے 49 رنز کی اننگ میں انہوں نے تین چھکے اور پانچ چوکے لگائے۔ سرفراز کی اننگ نے ٹیم کا اعتماد بڑھایا جسے اوپننگ اوورز میں سست روی سے بیٹنگ پر تنقید کا سامنا تھا۔ انہوں نے ٹیم کو ایک اور وجہ سے بھی پرجوش کیا اور وہ تھا ایک کے بعد ایک کیچ پکڑنا۔ ستائیس سالہ کیپر نے اپنے انٹرنیشنل کیرئیر کا آغاز 2007 میں ہندوستان کے خلاف کیا تھا جس کے بعد سے وہ پاکستان کی ون ڈے ٹیم میں اندر باہر ہورہے ہیں، 2006 میں وہ پاکستان کی اس ٹیم کے کپتان تھے جس نے انڈر 19 ورلڈکپ جیتا۔ سرفراز اب تک 37 ون ڈے میچز کھیل چکے ہیں اور ان کی اوسط 25 اور اسٹرائک ریٹ 86 ہے۔ ٹیسٹ میچز میں ان کی ایوریج 44 ہے مگر وہ ابھی تک انہوں نے صرف تیرہ ہی کھیلے ہیں۔ سرفراز کے چھ کیچز ون ڈے کی تاریخ میں ایک کیپر کی جانب سے اتنے کیچز پکڑنے کا 15 واں موقع تھا اور آسٹریلیا کے ایڈم گلکرسٹ چھ بار ایسا کرنے میں کامیاب رہے۔ اس کے علاوہ جو کیپر یہ کارنامہ سرانجام دے رکھا ہے وہ ہفتہ میں سرفراز کے مخالف جنوبی افریقی کیپر کوئنٹن ڈی کوک تھے۔مزید کھیلوں کی خبریں
-
شاہین نے رضوان کو ٹی ٹوئنٹی کا بریڈمین قرار دے دیا
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے
-
بھارتی کھلاڑی رانا سنگھ نے پاکستان کیخلاف نازیبا الفاظ استعمال کئے ، مجھے گالیاں اور دھکے دیئے اس لئے تھپڑ مارا ، پاکستانی فائٹر شاہ زیب رند
-
یو اے ای کے نوجوان بیڈمنٹن کھلاڑیوں نے بین الاقوامی ٹورنامنٹ جیت کرتاریخ رقم کر دی
-
آسٹریلین جونیئر اوپن اسکواش چیمپئن شپ میںمیڈلز جیتنے والے کھلاڑیوں کا پشاور پہنچنے پر تپاک اسقبال
-
پاکستان اورنیوزی لینڈ کی کرکٹ ٹیموں کے درمیان چوتھا ٹی ٹونٹی میچ 25 اپریل کو کھیلا جائے گا
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
لاہور کی بارش نے پاکستانی کرکٹرز کیلئے چائے کا موڈ بنادیا
-
ویرات کوہلی کا آؤٹ ہونے پر غصے کا اظہار: زمین اور کوڑے دان کو بلاّ دے مارا، ویڈیو وائرل
-
راشد لطیف، عثمان خان کے یو اے ای چھوڑنے کے فیصلے سے ناخوش
-
ریٹائرڈ کھلاڑی اب بھی ہماری موجودہ ٹیم کے پلئیرز سے بہت بہتر ہیں، سلمان بٹ کا طنز
-
ویسٹ انڈین آل راؤنڈرسنیل نارائن نے ٹی ٹوئنٹی ورلڈکپ میں واپسی کو مسترد کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.