برطانوی سیاستد ان وسیم ظفر کو دو بیویاں رکھنے سے متعلق برطانوی قوانین کی خلاف ورزی کرنے پرتنقید کا سامنا
وسیم ظفر کی شرعی طلاق کی تصدیق طلاق نامے کی دستاویزات جاری کی ہیں۔مولانا بوستان قادری
اتوار 8 مارچ 2015 15:40
لندن( اُردو پوائنٹ اخبار تازہ ترین۔8مارچ۔2015ء )برطانوی سیاست میں لیبر جماعت کے ابھرتے ہوئے نوجوان سیاستد ان وسیم ظفر کو دو بیویاں رکھنے اور شادی سے متعلق برطانوی قوانین کی خلاف ورزی کرنے پر سیاسی حلقوں میں شدید تنقید کا نشانہ بنایا جارہا ہے۔روزنامہ میل آن لائن میں شائع ہونے والی خبر کے مطابق کونسلر وسیم ظفر نے اپنی پہلی شریک حیات فراز بیگم کو برطانوی قانون کے مطابق طلاق دیے بغیر ایک خاتون ٹیچرعائشہ امداد کے ساتھ شادی کر لی تھی جبکہ برطانیہ میں ایک بیوی کی موجودگی میں دوسری شادی قانونا جرم ہے۔
گذشتہ رات مولانا بوستان قادری نے وسیم ظفر کی شرعی طلاق کی تصدیق کی ہے اور طلاق نامے کی دستاویزات جاری کیں۔ جو شواہد سامنے آئے ہیں ان سے پتہ چلتا ہے کہ 33 سالہ ظفر نے پہلی بیوی کو طلاق دینے کے لیے شریعہ عدالت کے ذریعے اسلامی طلاق کا طریقہ اپنایا تھا اس کا مطلب یہ ہے کہ 36 سالہ برطانوی شہری مس بیگم تاحال وسیم ظفر کی شریک حیات ہیں جن سے ان کی شادی 2003 میں پاکستان میں ہوئی تھی۔(جاری ہے)
مجسٹریٹ وسیم ظفر کو فلاحی کاموں کے لیے 2012ء میں شاہی اعزاز ایم بی ای سے نوازا گیا تھا جبکہ ان کا کہنا ہے کہ وہ عدم مساوات کے خلاف جنگ میں مصروف عمل ہیں۔ترقی پسند خیالات کے مالک سمجھے جانے والے سیاستدان وسیم ظفر نے اپنی سابقہ بیوی کی رضا مندی کے بغیر پچھلے سال اپریل میں دھوم ھام کے ساتھ دوسری شادی کرلی تھی اور اپنی پہلی شریک حیات کے ساتھ مالی معاملات طے نہیں کئے تھے۔
شرعی کونسل کے مطابق مرد کی طرف سے تین طلاقوں کے ذریعے بیوی کو فارغ کیا جاسکتا تاہم اس طرح کی طلاق کے لیے شرعی عدالت کی طرف سے طلاق تسلیم کرنے سے پہلے تین ماہ تک دونوں فریقین کے درمیان صلح صفائی کی کوشش کی جاتی ہے۔خواتین کے حقوق کی حمایت کے دعویدار کونسلر ظفر کی سابقہ شریک حیات مس بیگم عدالت سے قانوناً طلاق حاصل کرنے کی کوشش کر رہی ہیں۔ ان کی سہیلی کا کہنا ہے کہ ایک برطانوی شہری جب ملک سے باہر شای کرتا ہے تو یہ خود کار طریقے سے برطانوی قانون میں تسلیم کی جاتی ہے لہذا شادی کو ختم کرنے کے لیے بھی جوڑوں کو عدالت سے طلاق حاصل کرنا ضروری ہے۔برطانوی پارلیمان کے اراکین اور لیبر جماعت کی جانب سے وسیم ظفر کی معطلی کا مطالبہ کیا جارہا ہے۔قانونی ماہرین کا کہنا ہے یہ ایک طرح سے منافقت ہے کہ انگریزی قوانین کو تسلیم کیا جائے اور شرعی قوانین کو اس وقت استعمال کیا جائے جب یہ آپ کے لیے مناسب ہوں۔ ان کا کہنا ہے کہ وسیم ظفر کی پہلی شادی کی موجودگی میں ان کا دوسرا نکاح برطانوی قانون میں تسلیم نہیں کیا جاسکتا ہے جس کی وجہ سے ان کی دوسری شریک حیات سب کچھ کھو دینے کے خطرے میں ہے ۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.