سری لنکا کو شکست، آسٹریلیا کواٹرفائنل میں
اتوار 8 مارچ 2015 18:25
سڈنی(اُردو پوائنٹ اخبارتازہ ترین۔8مارچ۔2015ء) ورلڈ کپ کے ایک اہم میچ میں آسٹریلیا نے سری لنکا کو 64 رنز سے شکست دیکر میگا ایونٹ کے کوارٹر فائنل میں جگہ بنا لی۔ آسٹریلیا کی جانب سے 376 رنز کے ہدف کے تعاقب میں سری لنکا کی پوری ٹیم 312 رنز بنا کر آؤٹ ہوگئی۔ سری لنکا کی ٹیم کو کمار سنگاکارا کی ورلڈکپ میں مسلسل تیسری سینچری بھی آسٹریلیا کیخلاف میچ جیتنے میں مدد فراہم نہ کرسکی۔
سنگاکارا 104 اور تلکارتنے دلشان 62 رنز بناکر سری لنکا کی جانب سے نمایاں بلے باز رہے۔ آسٹریلیا کے جیمز فالکنر نے تین جبکہ مچل جانسن اور مچل اسٹارک نے دو دو سری لنکن کھلاڑی شکار کئے۔ نیوزی لینڈ اور ہندوستان کی کرکٹ ٹیموں کے بعد آسٹریلیا کی ٹیم کرکٹ ورلڈکپ کے کوارٹرفائنل میں پہنچنے والی تیسری ٹیم بن گئی ہے۔(جاری ہے)
اس سے قبل آسٹریلین ٹیم کے کپتان مائیکل کلارک نے ٹاس جیت کر پہلے بیٹنگ کا فیصلہ کیا اور آسٹریلیا کی ٹیم نے گلین میکس ویل کی پہلی سینچری کی بدولت سری لنکا کے خلاف 9 کھلاڑیوں کے نقصان پر 376رنز بنائے۔
میکس ویل نے ون ڈے میں اپنی پہلی جبکہ ورلڈ کپ کی 40 سالہ تاریخ کی دوسری تیز ترین سینچری 53 گیندوں پر 102 رنز مکمل کی۔ آسٹریلیا کی ٹیم کو میچ کی ابتدا میں مشکلات کا سامنا کرنا پڑا تھا جب ان کے دو اوپنر 41 رنز پر پولین لوٹ چکے تھے۔ اس موقع پر سٹیو سمتھ (72) اور کپتان مائیکل کلارک (68) نے تیسری وکٹ کیلئے 134 رنز بنا کر اننگز کو سنبھالا۔ تاہم، دونوں ہی مجموعی اسکور 175 رنز پر پانچ گیندوں کے اندر آؤٹ ہو گئے۔ اس کے بعد میکس ویل اور شین واٹسن (67) نے مل کر جارحانہ 160 رنز مکمل کئے۔ یاد رہے کہ میگا ایونٹ کے مشترکہ میزبان کینگروز نے افغانستان اور انگلینڈ کے خلاف اپنے میچ جیتےہیں جبکہ اس کو نیوزی لینڈ کے خلاف شکست کا سامنا کرنا پڑا اور بنگلہ دیش سے میچ بارش کےباعث منسوخ ہو گیا تھا۔ دوسری جانب، سری لنکن ٹیم نے پہلے میچ میں نیوزی لینڈ کے ہاتھوں شکست کے بعد کرکٹ کے اہم ٹورنامنٹ میں شاندار واپسی کرتے ہوئے انگلینڈ کے بعد بنگلہ دیش اور افغانستان کو شکست سے دوچار کیا اور ان مسلسل فتوحات کے ساتھ ہیٹ ٹرک مکمل کی تھی۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.