پشاور، مشہور ڈیزائنر و سماجی کارکن حمیدہ شاہد اور زاہدہ ظہور نے پیپلز پارٹی سے مستعفی ہو کر تحریک انصاف میں شمولیت کااعلان کردیا
بدھ 11 مارچ 2015 23:31
پشاور(اُردو پوائنٹ اخبار تازہ ترین۔11مارچ 2015ء) اسلام آباد کی مشہور ڈیزائنر و سماجی کارکن حمیدہ شاہد اور زاہدہ ظہور نے پاکستان پیپلز پارٹی سے مستعفی ہو کر پاکستان تحریک انصاف میں شمولیت کااعلان کردیا ہے۔ اس امر کا باقاعدہ اعلان بدھ کے روز وزیراعلیٰ ہاؤس پشاور میں خیبر پختونخوا کے وزیراعلیٰ پرویز خٹک ، ان کی اہلیہ اور وزیراعلیٰ کی معاون خصوصی برائے سماجی بہبود و پی ٹی آئی وومن ونگ کی صوبائی صدر ڈاکٹر مہرتاج روغانی کی موجودگی میں کیا گیا۔
پی ٹی آئی میں شمولیت اختیار کرنے والی خواتین نے کہا کہ انہوں نے پی ٹی آئی کے وژن اور خصوصاً خیبر پختونخوا میں رشوت ستانی و مخصوص تھانہ کلچر کے خاتمے اور پولیس، صحت، تعلیم جیسے اہم شعبوں میں اصلاحات کے علاوہ عوامی حقوق کیلئے صوبائی حکومت کے ٹھوس اقدامات سے متاثر ہو کر پی ٹی آئی میں شمولیت کا فیصلہ کیا ہے۔(جاری ہے)
وزیراعلیٰ نے پی ٹی آئی میں نئی شامل ہونے والی خواتین کا خیر مقدم کرتے ہوئے کہا کہ پی ٹی آئی نے ہمیشہ ان لوگوں کی حوصلہ افزائی کی ہے جو ملک کی تقدیر بدلنے کا حوصلہ، صلاحیت اور وژن رکھتے ہیں۔
انہوں نے کہا کہ خاص طور پر خواتین ونگ میں ہمیں نئے پاکستان کی تشکیل کے حوالے سے مثبت سوچ اور وژن رکھنے والی خواتین کی ضرورت ہے۔ انہوں نے امید ظاہر کی کہ مستقبل میں اس طرح کی دیگر خواتین بھی پی ٹی آئی کے جھنڈے تلے آکر ملک کے عوام کی خدمت کریں گی۔ وزیراعلیٰ نے کہا کہ حمیدہ شاہد کا تعلق چونکہ خیبر پختونخوا کے ضلع دیر سے ہے اس لئے وہ اپنے اس دور افتادہ اور پسماندہ علاقے کی ترقی کیلئے خواتین میں شعور کی بیداری کا اہم کام احسن طریقے سے انجام دے سکتی ہیں۔متعلقہ عنوان :
مزید اہم خبریں
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
حکومت کا تعلیمی نصاب میں ماحولیاتی بہتری کے مضامین شامل کرنے کا فیصلہ
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.