پاک افغان اپنی سرزمین ایک دوسرے خلاف استعمال نہیں ہونے دیں ،نواز شریف

اسلام آباد (اُردو پوائنٹ اخبار تازہ ترین۔12مارچ۔2015ء)وزیر اعظم نواز شریف نے کہا ہے کہ افغانستان اور پاکستان اپنی سرزمین ایک دوسرے خلاف استعمال نہیں ہونے دیں گے،دونوں ملکوں نے دہشت گردی کے خلاف بھاری قیمت ادا کی ہے ،افغان قیادت کی تبدیلی سے دونوں ملکوں کے درمیان باہمی تعلقات میں نیا موڑ آیا ہے،دونوں ملکوں نے ماضی کو بھلا کر آگے بڑھنے پر اتفاق کیاہے،دہشت گرد دونوں ملکوں کے مشترکہ دشمن ہیں ،ملکر ان کو شکست دیں گے ،افغان مہاجرین کی واپسی کیلئے بین الاقوامی حکمت عملی پر کاربند ہیں ،افغان مہاجرین کو باوقار طریقے سے واپس بھیجا جائیگا ۔

جمعرات کے روز افغان وزیر برائے مہاجرین حسین بلیغی نے یہاں وزیر اعظم نواز شریف ملاقات کی ، اس موقع پر وفاقی وزیر سرحدی امور ریاستی امور عبد القادر بلوچ ،وزیر اعظم کے مشیر طارق بھی ہمراہ تھے،ملاقات میں پاک افغان تعلقات،افغان مہاجرین کی وپسی سمیت اہم امور پر تبادلہ خیال کیا گیا ۔

(جاری ہے)

وزیر اعظم نواز شریف نے کہا ہے کہ پاکستان اور افغانستان دونوں نے دہشت گردی کے خلاف بھاری قیمت ادا کی ہے ،دونوں ملک اپنی سرزمین ایک دوسرے کے خلاف استعمال نہیں ہونے دیں گے ،افغانستان میں افغان قیادت میں امن عمل کے حامی ہیں،وزیر اعظم نے کہا کہ افغانستان پاکستان کابرادر ملک ہے دونوں ملکوں کے درمیان خوشگوار تعلقات قائم ہیں ان تعلقات میں مزید بہتری کے خواہاں ہیں ۔

انہوں نے کہا کہ پاکستان اور افغانستان مل کر خطے میں امن وامان اور دہشت گردی کے خاتمے کیلئے مل کر کام کرتے رہیں ،وزیر اعظم نے کہا کہ غیر قانونی مہاجرین کے خلاف کوئی کارروائی نہیں کی جائے گی بلکہ ان مہاجرین کو باوقار طریقے سے واپس افغانستان بھیجیں گے ،وزیر اعظم نے کہا ہے کہ افغانستان سمیت علاقائی ملکوں سے مستحکم تعلقات چاہتے ہیں ،ہمسایوں سے پرامن تعلقات ہمارا وژن ہے،افغان قیادت کی تبدیلی سے باہمی تعلقات میں نیا موڑ آیا ہے،دونوں ملکوں نے ماضی کو بھلا کر آگے بڑھنے پر اتفاق کیا ،وزیر اعظم نے کہا کہ افغانستان سے سیاسی تعلقات کا فروغ ہماری ترجیح ہے ،دونوں ملک انسداد دہشت گرد ی اور سلامتی کے شعبے میں تعاون پر توجہ دیں گے ،تجارتی و اقتصادی شراکت داری اور علاقائی تعاون ترجیح ہے ،وزیر اعظم نے کہا کہ ،دہشت گرد دونوں ملکوں کے مشترکہ دشمن ہیں ،دہشت گردی کو شکست دینے مل کر کوششیں کرنا ہوں گی ،انہوں نے کہا کہ افغانستان میں افغان قیادت میں امن عمل کے حامی ہیں ،افغان مہاجرین کیلئے بین الاقوامی حکمت عملی پر کاربند ہیں ،دونوں ملک مہاجرین کی واپسی قابل عمل لائحہ عمل تیار کریں،ملک میں ضرب عضب آپریشن کے ذریعے دہشت گردوں کا نیٹ ورک تباہ کر دیا ہے