پنجاب ایجوکیشن فاؤنڈیشن نے لاہور سمیت 3 اضلاع میں انٹرایکٹیو کلاس روم ٹیکنالوجی متعارف کرا دی
ہفتہ 14 مارچ 2015 15:08
لاہور ( اُردو پوائنٹ اخبار تازہ ترین۔14مارچ۔2015ء) پنجاب ایجوکیشن فاؤنڈیشن نے لاہور ، ملتان اور چکوال کے 24 منتخب پارٹنرسکولوں میں انٹرایکٹیوکلاس روم ٹیکنالوجی کے ذریعے ورلڈ کلاس ایجوکیشن کی فراہمی کے منصوبے کا آغاز کر دیا ہے، پہلے مرحلے میں چھٹی ، ساتویں اور آٹھویں کلاس کے سائنس ، ریاضی اور انگریزی کے مضامین کمپیوٹر ٹیکنالوجی کے ذریعے پڑھائے جا رہے ہیں ، اس مقصد کے لئے ان سکولوں کے 406 اساتذہ کو انٹرایکٹیوٹیکنالوجی آپریٹ کرنے کی تربیت دی گئی ہے ۔
یہ بات چیئرمین پنجاب ایجوکیشن فاؤنڈیشن انجینئر قمرالاسلام راجہ نے انٹرایکٹیو کلاس روم ٹیکنالوجی کے منصوبے پر پیشرفت کے حوالے سے منعقدہ اجلاس کی صدارت کرتے ہوئے کہی۔پیف ہیڈ آفس میں منعقدہ اجلاس میں ایم ڈی ڈاکٹر انیلہ سلمان ، ڈائریکٹر بشری سعید خان، پارٹنر سکولوں کے اساتذہ ودیگر افسران نے شرکت کی۔(جاری ہے)
اجلاس سے خطاب کرتے ہوئے چیئرمین قمر الاسلام نے کہا کہ کمپیوٹر ٹیکنالوجی کے تعلیمی استعمال سے پارٹنر سکولوں کا معیار بڑھانے میں مدد ملی ہے ۔
اس طرح طالب علم کمپیوٹر کے ذریعے جدید تعلیمی تبدیلیوں سے با خبر رہتے ہیں جس سے ان میں حصول علم کا شوق بڑھتا ہے اور تعلیمی کارکردگی بھی بہتر ہوتی ہے ۔ انہوں نے کہا کہ یہ پراجیکٹ پیف کے تعلیمی وژن کا عکاس ہے جس کا مقصد پارٹنر سکولوں میں چائلڈ فرینڈلی سکولنگ کو رواج دینے کے ساتھ ساتھ طالب علموں کے لئے کوالٹی ایجوکیشن کی فراہمی کو یقینی بنانا ہے۔ انہوں نے کہا کہ پیف کی تعلیمی اصلاحات کے نتیجے میں 16 لاکھ طالب علم کوالٹی ایجوکیشن حاصل کر رہے ہیں ، یہ نئے تعلیمی انقلاب کی ابتدا ہے جس سے اکیسویں صدی کے تقاضوں کے مطابق نالج اکانومی کو پروان چڑھانے میں مدد ملے گی۔اجلاس سے ایم ڈی پیف ڈاکٹر انیلہ سلمان نے بھی خطاب کیا اور کہا کہ انٹرایکٹیو کلاس روم ٹیکنالوجی پراجیکٹ کے مفید نتائج برآمد ہوئے ہیں ۔ اس موقع پر پارٹنر سکولوں کے اساتذہ نے تعلیمی ٹیکنالوجی کے ذریعے لیکچر کے عمل کو مفید قرار دیا اور کہا کہ اس طرح طالب علم حصول علم میں زیادہ حصہ لیتے ہیں جس سے ان کا ذہنی افق وسیع ہوتا ہے۔مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.