پاکستانی باڈی بلڈر عاطف انور نے آرنلڈ کلاسک ایوارڈ اپنے نام کرلیا

اتوار 15 مارچ 2015 21:41

میلبرن(اُردو پوائنٹ اخبارتازہ ترین۔15مارچ۔2015ء) پاکستان کے مایہ ناز تن ساز اور 2005 میں مسٹر پاکستان کا اعزاز پانے والے عاطف انور نے آسٹریلیا میں 100 کلو گرام سے زائد کے مقابلے میں آرنلڈ کلاسک ایوارڈ جیت لیا ہے۔ آسٹریلیا میں ہونے والے آرنلڈ کلاسک مقابلوں کے دوران پاور لفٹنگ، خواتین کی باڈی بلڈنگ اور مارشل آرٹس کے مقابلے منعقد ہوئے تاہم تن سازی کے 100 کلو گرام سے زائد کے مقابلے کا ٹائٹل عاطف انور نے اپنے نام کیا۔

(جاری ہے)

اس موقع پر سابق مسٹر ورلڈ آرنلڈ شوارزنیگر نے عاطف انور کو فاتح قرار دیتے ہوئے انہیں میڈل پہنایا اور ان کا ہاتھ فضا میں بلند کردیا۔ آرنلڈ کلاسک ایوارڈ مختلف اسپورٹس کیٹگریز میں ہرسال منعقد کئے جاتے ہیں، جن میں دنیا کے بہترین کھلاڑی حصہ لیتے ہیں جب کہ مقابلوں میں جیتنے والوں کو آرنیز کا خطاب دیا جاتا ہے۔ واضح رہے کہ کراچی سے تعلق رکھنے والے عاطف انور اس سے قبل بہت سے اعزازات اپنے نام کرچکے ہیں، 2009 میں مسل مینیا نامی مقابلے میں انہوں نے چوتھی پوزیشن حاصل کی تھی جس میں دنیا بھر سے 100 باڈی بلڈرز نے حصہ لیا تھا۔

Facebook Twitter Google + Share on Whatsapp

پاکستانی باڈی بلڈر عاطف انور نے آرنلڈ کلاسک ایوارڈ اپنے نام کرلیا

مزید کھیلوں کی خبریں