نائن زیرو پرچھاپے کے دوران گرفتارافراد سے متعلق فیصلہ عدالت کرے گی، قائم علی شاہ،رینجرزکے کامیاب آپریشن کے بعد سندھ میں اغوا برائے تاوان کی وارداتیں ختم ہوگئی ہیں، ایم کیوایم جرائم پیشہ افراد سے لاتعلقی کااظہارکرے یا پھر ان کیخلاف کارروائی کی حمایت کرے، قانون سے بالاترکوئی نہیں ،وزیراعلیٰ سندھ کی سکھرایئرپورٹ پرمیڈیا سے بات چیت
اتوار 15 مارچ 2015 22:30
سکھر(اُردو پوائنٹ اخبارتازہ ترین - این این آئی۔15 مارچ۔2015ء) وزیر اعلیٰ سندھ سید قائم علی شاہ نے کہاہے کہ الطاف حسین ہم پرتنقید کرلیں لیکن فوج کومتنازعہ نہ بنائیں۔ ایم کیوایم کے مرکز نائن زیرو پرچھاپے کے دوران گرفتارافراد سے متعلق فیصلہ عدالت کرے گی۔ ایم کیوایم جرائم پیشہ افراد سے لاتعلقی کااظہارکرے یا پھر ان کے خلاف کارروائی کی حمایت کرے، قانون سے بالاترکوئی نہیں ہے۔
کامیاب آپریشن کے بعد سندھ میں اغوابرائے تاوان کی وارداتیں ختم ہوگئی ہیں۔اتوارکوسکھر کے سرکٹ ہاؤس میں میڈیا سے بات چیت کرتے ہوئے سید قائم علی شاہ نے کہاکہ رینجرزتقریبا 2 سال سے خفیہ معلومات پرآپریشن کررہی ہے اور میری نگرانی میں رینجرزاورپولیس کی دہشت گردوں،جرائم پیشہ عناصرکے خلاف کارروائی جاری ہے۔(جاری ہے)
انہوں نے کہاکہ رینجرزکے کامیاب آپریشن کے بعد سندھ میں اغوا برائے تاوان کی وارداتیں ختم ہوگئی ہیں۔
وزیر اعلی سندھ نے کہاکہ ایم کیوایم سے سیاسی طورپرتعاون اوراس حوالے سے بات چیت جاری ہے، سیاست اورجرائم دوالگ چیزیں ہیں اور جرائم کوسیاست سے منسلک نہیں کیاجاسکتا لہٰذا جرائم پرسودے بازی یامفاہمت کی بات نہیں ہوسکتی۔ انہوں نے کہاکہ کراچی میں آپریشن تمام جماعتوں کے اتفاق رائے کے بعد شروع کیا گیا جس میں پیپلزپارٹی کے لوگ بھی مارے اور پکڑے گئے ہیں جب کہ ایم کیوایم کے مرکز نائن زیرو پرچھاپے کے دوران گرفتارافراد سے متعلق اب عدالت فیصلہ کریگی۔انہوں نے کہا کہ جومجرمانہ سرگرمیوں میں ملوث ہوگا،اس کے خلاف سخت کارروائی کی جائے گی، ایک سوال کے جواب میں وزیر اعلی سندھ نے کہا کہ رینجرزکواختیارات دینے کافیصلہ تمام جماعتوں کواعتماد میں لیکرکیا گیاہے،اور تمام جماعتیں اس فیصلے پرمتفق ہیں۔شہر قائد میں قیام امن کے حوالے سے انہوں نے کہا کہ کراچی میں امن بحال ہوگیاہے،لوگ رات دوبجے بھی ساحل سمندرپر جاتے ہیں۔متعلقہ عنوان :
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.