بھارتی گلوکار عاطف اسلم اور راحت فتح علی خان کیخلاف بول پڑے

بدھ 18 مارچ 2015 13:30

بھارتی گلوکار عاطف اسلم اور راحت فتح علی خان کیخلاف بول پڑے

ممبئی(اُردو پوائنٹ اخبار تازہ ترین۔18مارچ۔2015ء) پاکستانی اداکاروں ، فنکاروں اور گلوکاروں کی بالی ووڈ میں مقبولیت اور شہرت کوئی نئی بات نہیں ہے۔بھارتی میڈیا کے ذرائع کے مطابق بھارتی گلوکار کونال گنجوالا نے حال ہی میں بالی ووڈ میں شہرت حاصل کرنے والے گلوکاروں کا تنقید کا نشانہ بنایا ہے ۔انہوں نے بھارتی گلوکار ارجیت سنگھ سے محبت کا اظہار کرتے ہوئے کہا کہ پاکستانی گلوکاروں میں کوئی خاص بات نہیں ہے ۔

(جاری ہے)

انہوں نے کہا کہ پاکستانی گلوکاروں کی ہندی فلم انڈسٹری میں کوئی اہم کردار نہیں ہے۔گلوکاری کے فن میں مہارت رکھنے والے پاکستانی گلوکار راحت فتح علی خان کے بارے میں انہوں نے کہا کہ بھارت میں ایسے بہت سے گلوکار ہیں جو راحت فتح علی خان سے بھی اچھا گا سکتے ہیں۔انہوں نے پاکستان اور بھارت کے مشہور گلوکار عاطف اسلم کو بھی تنقید کا نشانہ بناتے ہوئے کہا کہ عاطف اسلم کے پاس تکبر کے سوا کچھ بھی نہیں ہے ۔