برطانیہ الطاف حسین کو بیان بازی سے روکے، الطاف حسین پاکستانی سکیورٹی فورسز کو بدنام کر رہے ہیں ، نائن زیرو پر کارروائی قانون کے دائرے میں ر ہ کر کی گئی، وزیر داخلہ چوہدری نثار کی برطانوی ہائی کمشنر فلپ برٹن سے ملاقات میں گفتگو ، برطانو ی نشریاتی ادارے کی رپورٹ
بدھ 18 مارچ 2015 23:40
لندن/اسلام آبا د(اُردو پوائنٹ اخبارتازہ ترین - آئی این پی۔18 مارچ۔2015ء) پاکستان کی حکومت نے برطانیہ سے کہا ہے کہ اْن کے شہری الطاف حسین پاکستانی سکیورٹی فورسز کو بدنام کر رہے ہیں اور برطانوی حکومت انھیں بیان بازی سے روکنے کے لیے قانونی راستے استعمال کرے،متحدہ قومی موومنٹ کے ہیڈکوارٹر پر کارروائی قانون کے دائرے میں رہتے ہوئے کی گئی۔ بدھ کو برطانوی نشریاتی ادارے کی رپورٹ کے مطابق یہ مطالبہ وفاقی وزیر داخلہ چوہدری نثار علی خان کی برطانوی ہائی کمشنر فلپ برٹن سے ہونے والی ملاقات میں کیاگیا ۔
برطانوی نشریاتی ادارے کے مطابق وزارتِ داخلہ کے ایک اہلکار نے بتایا کہ وزیر داخلہ نے برطانوی ہائی کمشنر سے کہا کہ الطاف حسین کے خلاف مقدمہ بھی درج ہو چکا ہے اور اب برطانوی حکومت کی ذمہ داری ہے کہ وہ الطاف حسین کو بیان بازی سے روکے۔(جاری ہے)
گذشتہ ہفتے رینجرز حکام نے ایم کیو ایم کے مرکز نائن زیرو چھاپہ مارا تھا، اور سزا یافتہ مجرموں سمیت کئی افراد کو حراست میں لیا تھا۔
رپورٹ کے مطابق وزیرِ داخلہ چوہدری نثار علی خان نے کہا تھا کہ کراچی میں متحدہ قومی موومنٹ کے ہیڈکوارٹر پر ہونے والی کارروائی قانون کے دائرے میں رہتے ہوئے کی گئی تھی۔وزیر داخلہ نے برطانوی ہائی کمیشن سے ملاقات میں کہا کہ پاکستان دہشت گردی کے خلاف جنگ لڑ رہا ہے اور ان حالات میں جب آپریشن ضربِ عضب میں فوج کو کامیابیاں مل رہی ہیں، برطانوی شہری الطاف حسین کی فوج کے خلاف الزام تراشی سے دہشت گردی کے خلاف جنگ متاثر ہو سکتی ہے۔ رپورٹ کے مطابق وزارت داخلہ کے ذرائع نے بتایا کہ رینجرز حکام نے وزارت داخلہ کو خط لکھا تھا جس میں کہا گیا تھا کہ ایم کیو ایم کے مرکز نائن زیرو پر رینجرز کے چھاپے کے بعد الطاف حسین نے نجی ٹی وی چینل کو دیے گئے ایک انٹرویو میں فوج کو بدنام کرنے کی کوشش کی ہے اور وزارت داخلہ اس سلسلے میں برطانوی حکومت سے بات کرے۔اس سے قبل نجی ٹی وی کے پروگرام میں الطاف حسین نے کہا تھا کہ ریاستی ادارے ایم کیو ایم کے خلاف ہیں اور جنھوں نے بھی ایم کیو ایم کے مرکز پر چھاپہ مارا وہ ’تھے‘ ہو جائیں گے۔رپورٹ کے مطابق چھاپے کے دوران رینجرز نے ناجائز اسلحہ اور سزا یافتہ مجرم سمیت کئی مشکوک افراد کو حراست میں بھی لیا۔رینجرز حکام نے متحدہ قومی موومنٹ کے رہنما الطاف حسین پر تضحیک آمیز گفتگو کرنے اور قتل کی دھمکیاں دینے کا الزام عائد کیا تھا اور الطاف حسین کے خلاف کراچی کے سول لائنز مقدمہ دائر کیا ہے۔الطاف حسین کے خلاف مقدمہ انسدادِ دہشت گردی ایکٹ کے تحت درج کیا گیا ہے اور مقدمے میں انسداد دہشت گردی کی دفعہ 7 اور تعزیراتِ پاکستان کی دفعہ 506 شامل ہے۔دوسری جانب ایم کیو ایم نے کہاہے کہ الطاف حسین کے خلاف مقدمے میں لگائے گئے الزامات حقائق کے منافی ہیں۔رینجرز نے گذشتہ ہفتے عزیز آباد کے علاقے میں ایم کیو ایم کے ہیڈکوارٹر پر چھاپہ مارا تھا۔ رینجرز نے دعویٰ کیا تھا کہ چھاپے کے دوران انھوں نے بڑی تعداد میں ناجائز اسلحہ اپنے قبصے میں لیا ہے اور سزا یافتہ مجرموں سمیت کئی مشکوک افراد کو حراست میں بھی لیا ۔وزیر داخلہ نے کہا تھا کہ نائن زیرو پر چھاپہ خفیہ اطلاعات کی بنیاد پر مارا گیا۔ ان کا کہنا تھا کہ کراچی میں فوج کے ذریعے آپریشن ایم کیو ایم ہی کا مطالبہ تھا اور قانون کے دائرے میں رہتے ہوئے کارروائی کرنا رینجرز اور پولیس کا استحقاق ہے۔متعلقہ عنوان :
مزید اہم خبریں
-
پیرس اولمپکس: افغان کھلاڑی کا افغانستان پر پابندی کا مطالبہ
-
موبائل رجسٹریشن سسٹم ( کل ) بحال ہو جائے گا
-
آئی ایم ایف ایگزیکٹیو بورڈاجلاس کا29اپریل تک کا شیڈول جاری ‘پاکستان کا اقتصادی جائزہ شامل نہیں
-
وفاقی وزیرخزانہ محمد اورنگزیب کی واشنگٹن ڈی سی میں چینی وزیرخزانہ لان فوان سے ملاقات
-
امریکہ میں فائرنگ، 5 طلبا زخمی، ملزم فرار
-
وفاقی وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات
-
چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف
-
پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف
-
جناح ہائوس حملہ کیس ،بانی پی ٹی آئی کی بہنوں سمیت 34 ملزمان کی عبوری ضمانتوں میں توسیع
-
حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
-
ضمنی انتخابات:لاہورسمیت پنجاب کے13شہروں میں موبائل فون اور انٹرنیٹ سروس بند رہے گی. محکمہ داخلہ پنجاب
-
ایس ایچ ا و ہڈیارہ نے سی آئی اے اہلکاروں پر منشیات فروشوں کی پشت پناہی کا الزام عائد کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.