پشاور ، ون کلک SOS الرٹ کال سروس کے تحت صوبہ بھر میں موبائل پر 2866 ریسکیوسافٹ وئیر نصب ،
11032تعلیمی اداروں / سکولوں کی رجسٹریشن کرالی گئی
ہفتہ 21 مارچ 2015 22:55
پشاور ( اُردو پوائنٹ اخبارتازہ ترین - آن لائن۔21مارچ۔2015ء) ون کلک SOS الرٹ کال سروس کے تحت صوبہ بھر میں اب تک موبائل پر 2866 ریسکیوسافٹ وئیر نصب کر دئیے گئے ہیں جبکہ 11032تعلیمی اداروں / سکولوں کی رجسٹریشن کرائی جا چکی ہے۔تفصیلات کے مطابق آرمی پبلک سکول پشاور پر حملے کے بعد صوبہ بھر میں تعلیمی اداروں کی سیکورٹی مزید سخت کرنے اور کسی بھی ایمرجنسی کی صورت حال سے نمٹنے کیلئے ون کلک SOSالرٹ کال سروس متعارف کرایا گیا۔
یہ سسٹم سیف سٹی پراجیکٹ پاکستان کے تعاون سے بنایا گیا ہے۔ اگرکسی جگہ پر دہشت گردی کا کوئی واقع پیش آتا ہے یا سکول پر حملہ ہوتاہے تو اس صورت میں پولیس، سکول انتظامیہ اور عوام ملکر کس طرح متحرک ہو نگے؟ اور اس سلسلے میں کیا ضروری حفاظتی اقدامات کئے جائیں؟۔(جاری ہے)
اس مقصد کے لیے ٹیکنالوجی کو استعمال کرنے کے لیے ایک سسٹم بنایا گیا ہے۔ جو بڑاUser Friendly اور نہایت ہی آسان ہے۔
اس کے تحت اینڈرائیڈ فون پر مبنی موبائل فون کے ایک بٹن کو دبانے سے سکول انتظامیہ کس طرح فوری طور پر متحرک ہوسکے گی اور بٹن دبانے سے پولیس کو پتہ چل جائیگا کہ یہ واقعہ کس نوعیت کے سکول میں کہاں پر واقع ہوا اور اسمیں پڑھنے والے بچوں کی عمریں کیا ہیں۔ اس سکول کا پولیس کے انتظامیہ سے فاصلہ کتنا ہے اور وہاں جانے والے آسان ترین راستے کونسے ہیں اور اس کے ساتھ ساتھ حفاظتی اقدامات کے لیے پولیس کے تمام ہی شعبوں کو اطلاع پہنچ جائیگی اور ہر کوئی فوری طور پر متحرک ہو جائیگا۔ نہ صرف پولیس بلکہ ایمرجنسی کے تمام ادارے، ریسکیو ، ہسپتال اور فائربریگیڈ کے تمام متعلقہ ادارے بھی متحرک ہونگے۔ اس قسم کی ایمرجنسی سے نمٹنے کے لیے پولیس کی تمام کے تمام شعبہ جات یعنی فوری ریسپانس فورس ، تھانہ جات ، پولیس موبائلیں،ایلیٹ فورس اور پولیس لائن کی ریزرو پولیس بیک وقت متحرک ہوگی۔ کسی بھی جگہ پر کسی سکول کی طرف سے بھی SOS کال پولیس کنٹرول پر موصول ہونے کے پانچ سے چھ منٹ کے اندراندرپولیس وہاں پر پہنچ سکے گی۔ موجودہ حالات میں یہ تمام اداروں کی ضرورت بن چکی ہے۔ ون کلک SOS الرٹ سروس کو متعارف کرانے کیلئے ایک سیکورٹی ورکشاپ کا احتتام بھی کیا گیا تھا جس میں تعلیمی اداروں کیلئے سکیورٹی گائید لائنز پر بریفنگ دی گئی تھی اور اُن پر عمل در آمد کو یقینی بنانے کی ہدایت کی گئی تھی۔اس سسٹم کے تحت صوبہ بھر میں تعلیمی اداروں میں اب تک موبائل پر 2866 ریسکیو سافٹ وئیر نسب کر دئیے گئے ہیں جبکہ 11032 تعلیمی اداروں کی رجسٹریشن کرائی جا چکی ہے اس طرح 2905 تعلیمی اداروں / سکولوں کے گوگل پر نقشے بنائے گئے ہیں جبکہ 5273 تعلیمی اداروں / سکولوں کو اس سسٹم پر جلد از جلد پوری عمل در آمد کرانے کی بھی ہدایت کی گئی ہے۔مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.