کیوی باؤلر ایڈم ملنے ورلڈ کپ سے باہر

پیر 23 مارچ 2015 19:01

آکلینڈ(اُردو پوائنٹ اخبارتازہ ترین۔23مارچ۔2015ء) نیوزی لینڈ کو سیمی فائنل سے قبل بڑا دھچکا لگا ہے اور وہ اپنے اہم فاسٹ باؤلر ایڈم ملنے سے محروم ہو گئے ہیں جو انجری کے باعث ورلڈ کپ سے باہر ہو چکے ہیں۔ کوچ مائیک ہیسن کے مطابق 22 سالہ فاسٹ باؤلر کو گزشتہ دو ہفتے سے اپنے بائیں پیر کی ایڑھی میں تکلیف کا سامنا ہے۔ انہوں نے کہا کہ ویسٹ انڈیز کے خلاف کوارٹر فائنل سے قبل ان کی یہ تکلیف ختم ہو گئی تھی لیکن اب اس نے دوبارہ سر اٹھا لیا ہے۔

(جاری ہے)

کیوی کوچ نے ایڈن پارک میں صحافیوں سے گفتگو کرتے ہوئے کہا کہ وہ اب مزید باؤلنگ کے قابل نہیں رہے اور باؤلنگ کرتے ہوئے کافی تکلیف محسوس کر رہے ہیں۔ ایڈم ملنے کے ورلڈ کپ سے باہر ہونے کے بعد آٹھ ایک روزہ میچوں کا تجربہ رکھنے والے نوجوان فاسٹ باؤلر میٹ ہنری کو اسکواڈ میں شامل کر لیا گیا ہے۔ مائیک ہیسن نے کہا کہ ہنری ڈومیسٹک کرکٹ یں تسلسل سے اچھی باؤلنگ کر رہے ہیں لیکن ہم جنوبی افریقہ کے خلاف ملنے کے متابل کا فیصلہ کا پچ دیکھنے کے بعد کریں گے۔

Facebook Twitter Google + Share on Whatsapp

کیوی باؤلر ایڈم ملنے ورلڈ کپ سے باہر

مزید کھیلوں کی خبریں