دورہ چین کے دوران نئے معاہدوں سے پنجاب کو اربوں روپے کی بچت ہوگی‘محمد شہباز شریف
جمعرات 26 مارچ 2015 17:32
لاہور(اُردو پوائنٹ اخبار تازہ ترین۔26مارچ۔2015ء ) وزیراعلیٰ پنجاب محمد شہبازشریف نے بیجنگ میں نیشنل ڈویلپمنٹ اینڈ ریفارمز کمیشن کے اعلیٰ حکام سے ملاقات کی جس میں پاک چین تعلقات کے فروغ اور توانائی سمیت مختلف شعبوں میں تعاون کو مزید بڑھانے کے حوالے سے تفصیلی تبادلہ خیال کیا گیا۔ وزیراعلیٰ محمد شہباز شریف نے نیشنل ڈویلپمنٹ اینڈ ریفارمز کمیشن کے اجلاس سے خطاب کرتے ہوئے کہا کہ میں اور میرا وفد چین سے نئی امیدیں اور توقعات لے کر واپس جا ررہے ہیں، بلاشبہ پاک چائنہ اکنامک کوریڈور کی جوائنٹ کوآپریشن کمیٹی کے اجلاس کے دوران تاریخی فیصلے کئے گئے ہیں اور یہ فیصلے پاک چین دوستی کا مظہر ہیں۔
دورے کے دوران طے پانے والے نئے معاہدوں سے پنجاب کو اربوں روپے کی بچت ہوگی اور معاشی و اقتصادی سرگرمیو ں کو فروغ ملنے کے ساتھ روزگار کے لاکھوں نئے مواقع بھی پیدا ہوں گے۔(جاری ہے)
انہوں نے کہا کہ چینی حکومت اور متعلقہ محکموں نے انرجی سمیت مختلف شعبوں میں تعاون کو فروغ دینے میں غیرمعمولی دلچسپی کا مظاہرہ کیا ہے اور پاکستان کی تاریخ میں آج تک کسی حکومت نے توانائی کے حصول کیلئے اتنی مخلصانہ اور سنجیدہ جدوجہد نہیں کی جتنی وزیراعظم محمد نواز شریف کے دور میں کی جا رہی ہے۔
انہوں نے کہا کہ ملکی سطح پر رکاوٹوں کے باوجود توانائی کے متعدد منصوبے 2017ء کے اختتام تک کام شروع کر دیں گے اور بجلی کی پیداوار میں خاطرخواہ اضافہ ہوگا۔ وزیراعلیٰ نے کہا کہ چینی حکومت سے مغربی چین کے علاقے سے ٹرانسمیشن لائن کے ذریعے بجلی فراہم کرنے کی درخواست کی ہے اور اگر اس منصوبے کو عملی شکل مل گئی تو صنعتی و تجارتی انقلاب آ ئے گا۔ انہوں نے کہا کہ آئندہ تین برسوں میں پاکستان کو 10 ہزار میگاواٹ سے زائد بجلی کی ضرورت ہوگی جس کیلئے ابھی سے منصوبہ بندی کی جا رہی ہے۔ دورہ چین کا بنیادی مقصد توانائی اور دیگر شعبوں میں جاری منصوبوں کے ساتھ نئے منصوبوں کے حوالے سے تیز رفتاری سے پیش رفت کرنا ہے اور اس مقصد میں بہت کامیابی ملی ہے۔ انہوں نے کہا کہ چین کے صدرکے دورہ پاکستان کے حوالے سے چینی حکام اور عہدیداران میں غیرمعمولی جوش و خروش پایا جاتا ہے جبکہ پاکستان کے عوام بھی اپنے مخلص دوست ملک کے صدر کے دورے کا بے تابی سے انتظار کر رہے ہیں۔ وزیراعلیٰ نے کہا کہ چین اور پاکستان کے تعاون کا سفر تیز رفتاری سے جاری ہے اور چین کے صدر کا دورہ اسلام آباد پاک چین تعلقات کو نئی وسعت دے گا اور چین کے صدر پاکستان میں متعدد منصوبوں کا سنگ بنیاد رکھیں گے ۔ وفاقی وزیر پلاننگ اینڈ ڈویلپمنٹ احسن اقبال نے نیشنل ڈو یلپمنٹ اینڈ ریفارمز کمیشن کے اجلاس سے خطاب کرتے ہوئے کہا کہ حالیہ دورہ چین کے دور رس نتائج سامنے آئیں گے۔ وزیراعظم نواز شریف کی حکومت نے پاک چین معاہدوں پر تیز رفتاری سے عملدرآمد کیلئے مربوط حکمت عملی اختیار کی ہے۔ انہو ں نے کہا کہ چین گیس پائپ لائن بچھانے میں بھی مدد فراہم کرے ۔ انہوں نے کہا کہ دورہ چین کے دوران پاک چائنہ اکنامک کوریڈور جوائنٹ کوآپریشن کمیٹی کے اجلاس میں متعدد اہم فیصلے کئے گئے ہیں اور مختلف شعبوں میں جاری منصوبوں پر تیز رفتاری سے پیش رفت پر اتفاق کیا گیا ہے۔مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.