کسی جنگ کا حصہ نہیں بن رہے ہیں ‘ کسی بھی فوجی اقدام سے قبل پارلیمان کو اعتماد میں لیا جائیگا ‘وزیر دفاع خواجہ آصف
جمعہ 27 مارچ 2015 14:16
اسلام آباد (اُردو پوائنٹ اخبار تازہ ترین۔27مارچ۔2015ء) پاکستان کے وزیرفاع خواجہ آصف نے واضح کیا ہے کہ کسی جنگ کا حصہ نہیں بن رہے ہیں ‘ کسی بھی فوجی اقدام سے قبل پارلیمان کو اعتماد میں لیا جائیگا ‘ سعودی کی سلامتی کو خطرہ ہوا تو ضرور دفاع کرینگے ‘ساری مسلم امہ پر ابتلا کا وقت ہے، اتحاد و یکجہتی کے قیام اور تفرقات کو ختم کرنے کی ضرورت ہے ‘تفرقات کو ہوا دینے کے لئے کوئی کردار ادا نہیں کریں گے۔
جمعہ کو قومی اسمبلی میں خطاب کرتے ہوئے انہوں نے کہاکہ اس سلسلے میں کسی بھی فوجی اقدام سے قبل پارلیمان کو اعتماد میں لیا جائیگا۔وزیرِ دفاع نے کہا کہ پاکستان کی جانب سے کیا جانے والا وعدہ اور عزم صرف سعودی عرب کی حفاظت کیلئے ہے اور اس معاملے میں اپوزیشن کے خدشات بجا تاہم بے بنیاد ہیں۔(جاری ہے)
انہوں نے کہاکہ میں یقین دلاتا ہوں کہ ہم اس جنگ میں حصہ لینے کا کوئی فیصلہ یا وعدہ نہیں کیا ہے۔
صرف سعودی عرب کے دفاع کا وعدہ کیا ہے اگر ایسی کوئی صورت حال پیدا ہوتی ہے تو سعودی عرب کا ضرور دفاع کریں گے اور یہ ہم نے انھیں بتا دیا ہے۔وزیر دفاع خواجہ آصف نے کہاکہ مشرق وسطیٰ اور عرب دنیا کے متعدد ممالک میں جنگ کا ماحول ہے اور پاکستان کسی ایسے تنازعے کو ہوا نہیں دینے چاہتا جس کے اثرات مسلم دنیا پر تفرقے کی صورت میں پڑیں۔انھوں نے کہا کہ اس (تفرقہ بازی) کی فالٹ لائنز پاکستان میں بھی موجود ہیں اور ان میں ہلچل مچانا اور پھر اس کے نتائج بھگتنا ملک کے مفاد میں نہیں ہے۔انھوں نے بتایا کہ پاکستان نے صورت حال کا جائزہ لینے کے لیے ایک اعلیٰ سطح کا وفد سعودی عرب بھیجنے کا فیصلہ کیا تھا تاہم اب اس معاملے پر عرب لیگ کے متوقع اجلاس کے بعد صورت حال دیکھ کر ہی وفد کی روانگی کا فیصلہ کیا جائیگا۔وزیر دفاع نے کہا کہ وہ قائد حزب اختلاف کی کسی بھی بات کا قطعی طور پر کوئی اختلاف نہیں رکھتے، حکومت نے اس جنگ میں فوج بھیجنے کا کوئی فیصلہ نہیں کیا، تاہم ہم نے اس بات کا فیصلہ کیا ہے کہ اگر سعودی عرب پر کوئی مشکل وقت آیا تو ہم ان کے ساتھ کھڑے ہوں گے۔ انہوں نے کہا کہ سعودی عرب کے ساتھ تاریخی اور مذہبی رشتہ ہے اس کے دفاع کے لئے ہم نے عزم کا اظہار کیا ہے انہوں نے کہا کہ سعودی عرب میں عرب لیگ کا اجلاس ہونے والا ہے، وہاں پر یمن کی صورتحال کے حوالے سے فیصلہ ہو گا اللہ کرے ایسے میں کسی مشترکہ فورم پر اس صورتحال کے ازالے کے لئے فیصلہ ہو جائے۔ وزیردفاع نے کہا کہ یمن، شام، عراق میں جنگ جاری ہے، افغانستان میں صورتحال بہتری کی طرف جا رہی ہے، ساری مسلم امہ پر ابتلا کا وقت ہے، اس وقت اتحاد و یکجہتی کے قیام اور تفرقات کو ختم کرنے کی ضرورت ہے، بجائے اس کے کہ اس اس کا حصہ دار بن کر اس کو پھیلایا جائے، مسلم امہ کے اتحاد اور یکجہتی کے لئے پاکستان جو بھی کردار ادا کر سکے گا وہ کرے گا، ہم تفرقات کو ہوا دینے کے لئے کوئی کردار ادا نہیں کریں گے۔ انہوں نے کہا کہ ہم نے اس حوالے سے بند یا اوپن کمرے میں کوئی فیصلہ نہیں کیا، اس حوالے سے کسی بھی قیاس آرائی کی تردید کرنے کے لئے تیار ہیں۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.