آئی سی سی نے ورلڈکپ میں ٹیموں کی تعداد کم کرکے 10کرنے کا حتمی اعلان کر دیا ،ورلڈ کپ میں دس سے زائد ٹیمیں شامل کرنے سے بہتر ہے ایسوسی ایٹ ٹیمز کے کھیل کو بہتر بنانے کی کوشش کی جائے ،اب یہ کھیل بلے بازوں کے حق میں فائدے مند ثابت ہوا ہے ،باؤلنگ سائڈ کے لئے موثر نہیں رہا‘ چیف ایگزیکٹو ڈیو رچرڈسن
جمعہ 27 مارچ 2015 22:56
سڈنی(اُردو پوائنٹ اخبارتازہ ترین - این این آئی۔27 مارچ۔2015ء) انٹرنیشنل کرکٹ کونسل کے چیف ایگزیکٹو ڈیو رچرڈسن نے انگلینڈ کی سرزمین پر 2019ء میں ہونے والے ورلڈکپ میں ٹیموں کی تعداد کم کرتے ہوئے 10کرنے کا حتمی اعلان کردیا ،ایسوسی ایٹ ٹیموں کے شکوے اور تنقید کے باوجود 2019ء میں ہونے والا آئندہ کرکٹ ورلڈ کپ دس ٹیموں کے درمیان کھیلا جائے گا۔نجی ٹی وی کے مطابق رچرڈسن نے بتایا کہ ان کے نزدیک ورلڈ کپ میں 10سے زائد ٹیموں کو شامل کرنے سے بہتر یہ ہے کہ ایسوسی ایٹ ٹیمز کے کھیل کو زیادہ سے زیادہ بہتر بنانے کی کوشش کی جائے تاکہ وہ خود کو منوا سکیں۔
انہوں نے کرکٹ کو فروغ دینے کے حوالے سے بتایا کہ آئی سی سی کی کوشش تھی کہ امریکہ سمیت دیگر ممالک میں کرکٹ کو پھیلایا جائے لیکن اب موجودہ ٹیمز کے کھیل کو بہتر بنانا ضروری ہے۔(جاری ہے)
انہوں نے امریکی کرکٹ ٹیم کے ورلڈ کپ میں کوالیفائی نہ کرنے پر اظہارِتشویش کرتے ہوئے کہا کہ امریکہ میں بہترین ٹیلنٹ موجود ہے اور زمبابوے سے زیادہ کرکٹ امریکہ میں کھیلا جاتا رہا ہے، اگر متحدہ عرب امارات ورلڈکپ میں کوالیفائی کرسکتا ہے تو امریکہ کیوں نہیں اور آئندہ سالوں میں ہم اسی مسئلے پر توجہ مرکوز رکھیں گے۔
خیال رہے کہ ورلڈ کپ 2015ء میں کھیلنے والی ٹیمز کی جانب سے تین دفعہ 400سے زائد رنز اسکور کئے جا چکے ہیں جبکہ کرس گیل سمیت مارٹن گپٹل نے ڈبل سنچریاں بنائیں۔رچرڈ سن نے اس بات کا بھی اعتراف کیا کہ اب یہ کھیل بلے بازوں کے حق میں فائدے مند ثابت ہوا ہے لیکن باؤلنگ سائڈ کے لئے موثر نہیں رہا۔ اس لئے قوانین کو بدلنا ضروری ہوگیا ہے تاکہ بالرز کو کارکردگی دکھانے کے زیادہ سیزیادہ مواقع مل سکیں۔انہوں نے تجویز پیش کی کہ اس کے لئے ایک ممکنہ تبدیلی کی جاسکتی ہے کہ آخری 10اوورز میں دائرے کے باہر 4فیلڈرز کے بجائے 5 فیلڈرز کو فیلڈ کی اجازت دی جائے۔ انہوں نے مزید کہا کہ اس ممکنہ تبدیلی کے ذریعے بالرز کو اچھی کارکردگی میں مدد ملے گی جس سے باؤلنگ سائیڈ کے حق میں بہتر نتائج سامنے آئیں گے۔مزید کھیلوں کی خبریں
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
اعظم خان اور محمد رضوان کے بعد ایک اور پاکستانی کھلاڑی زخمی ہو گیا
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
-
پاکستانی ٹیم کے سینئر اور تگڑے ترین کھلاڑی کی طویل عرصے کیلئے کرکٹ کے میدانوں سے دور ہو جانے کا خدشہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.