صہیب مقصود کی ’گوری ‘ لڑکی سے پریم کہانی بھی بے نقاب ہوگئی

اتوار 29 مارچ 2015 15:35

صہیب مقصود کی ’گوری ‘ لڑکی سے پریم کہانی بھی بے نقاب ہوگئی

ایڈیلیڈ(اُردو پوائنٹ اخبارتازہ ترین۔29مارچ۔2015ء)ورلڈکپ ہارنے کے بعد قومی کرکٹ ٹیم کے وطن واپس پہنچنے کے بعد مڈل آرڈر بلے باز صہیب مقصود کے دل ہارنے کی کہانیاں بھی منظرعام پر آگئی ہیں اوراس سفر کو یادگاربنانے کے لیے بلے باز اپنی مبینہ محبوبہ کو کرکٹ کٹ ہی تحفہ میں دے آئے جبکہ ہوٹل میں بعض ذرائع نے ایسے انکشافات بھی کیے جن کا ذکر مناسب نہیں تاہم کرکٹر نے ان تمام معاملات سے انکار کردیا۔

سوشل میڈیا پر اِن دنوں صہیب مقصود کے بھی چرچے ہیں جو میدان میں ڈسپلن توڑتے دکھائی دیئے لیکن میدان کے باہر معاملات کچھ اور ہی تھے ، کھیل سے زیادہ توجہ کہیں اور تھی۔ ایک رپورٹ کے مطابق ورلڈکپ میں جہاں آسٹریلوی دوشیزہ ہوتی وہیں قرب وجوار میں صہیب مقصود بھی پائے جاتے ، دونوں کی ہوٹل کی لابی میں کئی ملاقاتیں بھی ہوئیں اور وطن واپسی سے قبل پاکستانی کرکٹر نے ورلڈکپ کٹ آسٹریلوی لڑکی کو تحفے میں ہی دے ڈالی ۔

(جاری ہے)

بتایاگیاہے کہ مذکورہ گوری لڑکی ایڈیلیڈ کے اس ہوٹل میں بھی جاتی رہی جہاں گرین شرٹس نے ڈیرے ڈال رکھے تھے اور وہیں لابی میں ہی دونوں کی ملاقاتیں ہوتی رہیں ، اسی ہوٹل میں ہی صہیب مقصود نے اپنی کٹ تحفہ دی۔ رپورٹ میں ایک بھارتی کرکٹ شائق کے حوالے سے بتایاگیاکہ ابتدائی چنددنوں میں ہی صہیب مقصود اورمذکورہ لڑکی کی شناسائی ہوگئی تھی ، یہی لڑکی پہلے بھارتی کھلاڑی مہندراسنگھ دھونی کی بھی فین تھی لیکن اب صہیب مقصود سے قربتیں بڑھ گئی ہیں ، شاید اِسی وجہ سے پاکستانی ٹیم کی روانگی تک لڑکی سڈنی جانے کی بجائے ایڈیلیڈ میں ہی قیام پذیر رہی اورگاہے بگاہے صہیب مقصود سے ملنے کے لیے آتی رہی ۔

نجی ٹی وی چینل کے مطابق صہیب مقصود دوستانہ تعلقات سے انکاری ہیں تاہم مزید تفصیلات معلو م نہیں ہوسکیں ۔ ذرائع کاکہناتھاکہ کھلاڑیوں کی ملاقاتوں پر پابندی تھی ، معین خان سکینڈل بھی سامنے آیا تھا جس کے بعد تحقیقات کی ہدایت کی گئی تھی لیکن اگر شفاف تحقیقات ہوتیں تو صہیب مقصود کی رپورٹ بھی پی سی بی کو مل چکی ہوگی ۔