وہاب نے ورلڈ کپ کا بہترین سپیل کرایا، سچن ٹنڈولکر
اتوار 29 مارچ 2015 21:41
نئی دہلی(اُردو پوائنٹ اخبارتازہ ترین۔29مارچ۔2015ء) انڈیا کے لیجنڈ بلے باز سچن ٹنڈولکر نے آسٹریلیا کے خلاف وہاب ریاض کے جارحانہ چھ اوورز کو کرکٹ ورلڈ کپ کا بہترین سپیل قرار دیا ہے۔ ٹنڈولکر نے میگا ایونٹ میں شاندارباؤلنگ سپیل کرنے پر پاکستانی پیسر کی تعریف کی۔ ایڈیلیڈ میں کھیلے گئے کواٹر فائنل میں بائیں بازو سے باؤلنگ کرنے والے وہاب نے ڈیوڈ وارنر اور مائیکل کلارک کو اوپنگ سپیل میں پویلین کی راہ دکھائی تھی۔
وہاب شین واٹسن کو تیز باؤنسرز اور جارحانہ باڈی لینگوئج سے پریشان کرنے کے بعد آؤٹ کرنے کے قریب پہنچ گئے تھے لیکن راحت علی نے فائن لیگ پر واٹسن کا ایک آسان کیچ ڈراپ کر دیا۔ انٹرنیشنل کرکٹ کونسل کے ساتھ ایک انٹرویو میں ورلڈ کپ کے سفیر ٹنڈولکر نے کہا 'وہاب ریاض کا سپیل یقیناً پورے ایونٹ میں سب سے اعلی اور منفرد تھا'۔(جاری ہے)
'انہوں نے اس سپیل میں بہت زیادہ وکٹیں تو نہیں لیں لیکن ان کی باؤلنگ دیکھنے لائق تھی۔
میرے لیے یہ ورلڈ کپ کا سب سے بہترین سپیل تھا اور اس طرح کی پرفارمنس عمر بھر آپ کے ساتھ رہتی ہے'۔ ٹنڈولکر نے انٹرویو کے دوران چھ ہفتوں پر مشتمل ٹورنامنٹ میں کئی دوسری متاثر کن انفرادی پرفارمنسز کا ذکر کرتے ہوئے مارٹن گپٹل، کرس گیل، ٹرینٹ بولٹ، ٹم ساؤتھی، اے بی ڈی ولئیرز، مچل سٹارک اور کمار سنگاکارا کی تعریف بھی کی۔ 41 سالہ ٹنڈولکر نے کہا 'ہم سب ان کھلاڑیوں کی کارکردگی سے محضوظ ہوئے۔ آپ پندرہ سال بعد بھی ان اننگز اور سپیلز کا ذکر کرتے رہیں گے'۔مزید کھیلوں کی خبریں
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.