فواد احمد کی آسٹریلوی کرکٹ ٹیم کے دروازے پر دستک

میلبورن(اُردو پوائنٹ اخبار تازہ ترین۔31مارچ۔2015ء) مئی میں دورہ ویسٹ انڈیز اور پھر انگلینڈ میں شیڈول ایشز سیریز کیلیے آسٹریلوی اسکواڈ کا اعلان منگل کو متوقع ہے، پاکستان میں پیدا ہونے والے افغان لیگ اسپنر فواد احمد نے ٹیسٹ ٹیم کے دروازے پر دستک دے دی۔ورلڈ کپ کے ہیرو گلین میکسویل کے منتخب ہونے کا کوئی امکان نہیں، جیمز پیٹنسن کی عدم دستیابی پر پیٹر سڈل کو موقع ملے گا ، وکٹ کیپر بریڈ ہیڈن کے معاون کی جگہ نیوساوٴتھ ویلز کے پیٹر نویل کو ملے گی۔

تفصیلات کے مطابق مئی میں دورئہ ویسٹ انڈیز اور جولائی میں شیڈول ایشز سیریز کیلیے آسٹریلوی ٹیسٹ اسکواڈ کا اعلان منگل کو ہو سکتا ہے، پاکستان میں پیدا ہونے والے افغان لیگ اسپنر فواد احمد کی شمولیت کا امکان روشن ہوگیا، انھیں2013 کی ایشز کے موقع پر آسٹریلوی شہریت ملی لیکن نوجوان ایشٹون ایگر کو ان پر فوقیت دی گئی۔

(جاری ہے)

فواد نے حالیہ شیفلڈ شیلڈ سیزن میں 24.85 کی اوسط سے 48 وکٹیں لے کر آسٹریلوی ٹیسٹ ٹیم کے دورازے پر دستک دے دی، وہ چیمپئن سائیڈ وکٹوریہ میں شامل رہے، سلیکٹرز مئی میں 2 ٹیسٹ کیلیے دورئہ ویسٹ انڈیزکی16 رکنی ٹیم منتخب کریں گے، اس کے فوری بعد انگلینڈ میں ایشز سیریز کیلیے ریان ہیرس کی شمولیت سے اسکواڈ میں ارکان کی تعداد 17 ہوجائے گی، ماضی میں پاکستانی نڑاد عثمان خواجہ بھی آسٹریلوی ٹیسٹ ٹیم کا حصہ بنے ہیں۔

ورلڈ کپ کے سپراسٹار گلین میکسویل کی جگہ نہیں بن پائے گی تاہم وہ مستقبل کی ٹیسٹ الیون کیلیے نظر میں رہیں گے