نئے ون ڈے کپتان اظہر علی نے پہلا مقصد ٹیم کو متحد کرنا قرار دیدیا
منگل 31 مارچ 2015 16:34
لاہور((اُردو پوائنٹ اخبار تازہ ترین۔31مارچ۔2015) ) قومی کرکٹ ٹیم کے نئے ون ڈے کپتان اظہر علی نے پہلا مقصد ٹیم کو متحد کرنا قرار دیا ہے۔قومی ایک روزہ ٹیم کے نئے کپتان کے اس بیان سے ایک عرصے سے جاری ان قیاس آرائیوں کی کسی حد تک تصدیق ہو چکی ہے کہ قومی ٹیم انتشار اور گروپ بندی کا شکار ہے اور کھلاڑی آپس میں متحد نہیں۔بطور کپتان اظہر علی نے صحافیوں سے گفتگو کے دوران بتایا کہ کھلاڑیوں میں اتحاد کسی بھی ٹیم کی فتح میں اہم کردار ادا کرتا ہے۔
39 ٹیسٹ اور 14 ون ڈے میچز کھیلنے والے اظہر نے کہا کہ میں کافی عرصے سے ون ڈے ٹیم کا حصہ تو نہیں رہا لکنے میں نے ڈومیسٹک کرکٹ کھیل کر اپنی بلے بازی میں کافی بہتری پیدا کی ہے اور اب ایک اچھے بلے باز کے طور پر نمایاں نظر آنے کی کوشش کروں گا۔(جاری ہے)
ٹیم میں مشکلات پیدا کرنے والے کھلاڑیوں کے حوالے سے پوچھے گئے سوال کے جواب میں بتایا کہ انہوں نے تقریباً تمام کھلاڑیوں کے ساتھ کرکٹ کھیلی ہے اور وہ سب کے ساتھ خوش آئند تعلقات پر مطمن ہیں۔
کپتان نے امید ظاہر کی کہ تمام کھلاڑیوں کا مقصد پاکستان کرکٹ کو آگے بڑھانا ہے جس کے لئے کھلاڑی ان کی حمایت کریں گے۔30 سالہ کپتان نے پاکستان کی ورلڈ کپ میں کارکردگی کے حوالے سے کہا کہ مشکل وقت میں ٹیم نے بہترین انداز سے خود کو سبھایلا اور مضبوط کم بیک کر کے سیمی فائنل میں رسائی کی جس سے ٹیم کی ورلڈکپ میں اچھی کارکردگی کا اندازہ لگایا جاسکتا ہے۔انہوں نے کہا کہ بہترین کپتانی کرنے کے باوجود کڑی تنقید کا نشانہ بننے والے سابق کپتان مصباح الحق کی ٹیم کے لئے خدمات کو سراہتے ہوئے کہا کہ سابق کپتان نے 5 سال بطور کپتان ٹیم کو عمدہ طریقے سے سبھاللا۔انہوں نے مزید بتایا کہ مصباح کی ون ڈے ٹیم سے ریٹائرمنٹ کے بعد ان کی جگہ پْر کرنا کافی مشکل ہوگا لکنا وہ کھلاڑیوں کی مدد سے اس ہدف کو ضرورپورا کرنے کی کوشش کریں گے۔ون ڈے میں 41.09 کی اوسط رکھنے والے بلے باز نے کہا کہ مصباح کی ٹیم کے لئے غیر معمولی خدمات کو قطعی نظر انداز نہیں کیا جاسکتا۔ سابق کپتان نے ان کی بھر پور حوصلہ افزائی کی اور وہ میریلئے مشعلِ راہ ہیں۔پی سی بی کی جانب سے سلیکشن کے معاملات میں کپتان کی دخل اندازی نہ کرنے کے فیصلہ کے حوالے سے پوچھے گئے سوال کے جواب میں بتایا کہ انہیں سلیکشن کے حوالے سے مشاورت کا اختیار حاصل ہے جس پر وہ مطمئن ہیں ۔مزید کھیلوں کی خبریں
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
-
محمد رضوان کے دورہ آئرلینڈ، انگلینڈ سے محروم ہونے کا امکان
-
سرگودھایونیورسٹی میں 20ویں سالانہ سپورٹس گالا اور 45 ویں آل پاکستان فٹ بال چیمپئن شپ کی سرگرمیاں شروع ہوگئیں
-
انڈین پریمیئر لیگ میں واحد میچ رائل چیلنجرز بنگلورو اور سن رائزرز حیدرآباد کی ٹیموں کے مابین کل کھیلا جائے گا
-
انگلش پریمیئرلیگ میں دلچسپ مقابلے جاری، (کل) مزید 4 میچ کھیلے جائیں گے
-
ارسلان ایش ویزا مسائل کے باعث دنیا کے سب سے بڑے ٹورنامنٹ میں شرکت سے محروم
-
آئی پی ایل، لکھنو سپر جائنٹس نے چنائی سپرکنگز کو6 وکٹوں سے ہرا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.