ممبئی ‘بحر ہند کے اوپر امارات اور اتحاد ایئر لائنزکے طیارے خوفناک تصادم سے بال بال بچ گئے ‘ بھارتی کا تحقیقات کا حکم

بدھ 1 اپریل 2015 12:03

ممبئی(اُردو پوائنٹ اخبار تازہ ترین۔یکم اپریل۔2015ء) ممبئی کی فضائی حدود میں بحر ہند کے اوپر امارات اور اتحاد ایئر لائنزکے طیارے خوفناک تصادم سے بال بال بچ گئے ‘ بھارتی ایوی ایشن نے واقعے کی تحقیقات کا حکم دے دیا ہے۔بھارتی میڈیا کے مطابق امارات ایئر لائنز کی پرواز ای کے 706 دبئی سے جمہوریہ سیشلز ‘ اتحاد ایئر لائنز کی پرواز ای وائی 622 سیشلز سے ابو ظہبی جارہی تھی کہ ممبئی کی فضائی حدود میں اچانک دونوں طیارے ایک دوسرے کے بہت قریب آگئے تاہم بروقت اندورنی وارننگ سسٹم کی بدولت دونوں طیارے خوفناک تصادم سے بال بال بچ گئے۔

امارات ایئر لائنز کے جاری بیان میں کہا گیا کہ اس کی پروازای کے 706 کو ممبئی کی حدود میں ایسا کوئی واقعہ پیش نہیں آیا جس سے مسافروں کی جان خطرے میں پڑ گئی ہو ‘ امارات کے تمام طیاروں میں ایسا جدید سسٹم لگا ہوا ہے جو فوری طور پر ارد گرد کی ٹریفک سے متعلق خبردار کردیتا ہے۔

(جاری ہے)

کریو ممبرز نے واقعہ کی رپورٹ ایئر سیفٹی کنٹرول کو جمع کرا دی جو اس رپورٹ کو ممبئی ایئر ٹریفک کنٹرول کو بھیجے گا اس سلسلے میں ایئر لائنز ممبئی ایئر ٹریفک کنٹرول سے بھر پور تعاون کر رہی ہے۔

دوسری جانب ممبئی ایئر ٹریفک کنٹرول نے کہاکہ جب دونوں طیارے ایک دوسرے کے انتہائی قریب آگئے تو دونوں کو ٹریفک کولیزن آؤئڈینس سسٹم (ٹی سی اے ایس) کے تحت ریزولوشن ایڈوائزری جاری کردی گئی جس پر طیاروں نے فوری اپنا رخ درست کرلیا اور ایک خوفناک حادثے سے بال بال بچ گئے۔

Facebook Twitter Google + Share on Whatsapp

ممبئی ‘بحر ہند کے اوپر امارات اور اتحاد ایئر لائنزکے طیارے خوفناک تصادم سے بال بال بچ گئے ‘ بھارتی کا تحقیقات کا حکم

متعلقہ عنوان :

مزید بین الاقوامی خبریں