سابق کرکٹرز نے اظہر علی کو قومی کرکٹ ٹیم کی کپتانی سونپنے کی مخا لفت کر دی
بدھ 1 اپریل 2015 13:31
اسلام آباد(اُردو پوائنٹ اخبار تازہ ترین۔یکم اپریل۔2015ء) سابق کرکٹرز نے اظہر علی کو قومی کرکٹ ٹیم کی کپتانی سونپنے اور نئی سلیکشن کمیٹی کے قیام پر کرکٹ بورڈ کو تنقید کا نشانہ بناتے ہوئے کہا ہے کہ یہ کرکٹ کے ساتھ بہت بڑی ناانصافی ہے اس فیصلے سے کرکٹ میں کوئی تبدیلی نہیں آئے گی نہ ہی کرکٹ میں بہتری آئے گی ، بورڈ میں پسند ناپسند کی پالیسی چل رہی ہے ، میرٹ پر کوئی فیصلہ نہیں کیا جارہا ، سفارش اور جی حضوری کا کلچر عام ہے ، کسی سینئر کھلاڑی کو قومی ٹیم کا کپتان ہونا چاہیے ، اظہر علی کو نائب کپتان بنا دینا چاہیے تھا ۔
گفتگو کرتے ہوئے سابق ٹیسٹ کرکٹر سرفراز نواز نے کہا کہ پی سی بی چیئرمین نے انتہائی غلط فیصلہ کیا ہے انہوں نے کہا کہ اظہر علی نے کافی عرصے سے ون ڈے نہیں کھیلی اس کو پہلے ون ڈے میچ کھیلائے جاتے اور اس کی کارکردگی دکھ کر اس کو بعد میں کپتان بنایا جاتا ۔(جاری ہے)
انہوں نے کہا کہ یونس خان یا حفیظ کو کپتان بنایا جاتا تو زیادہ اچھا ہوتا ۔ سرفراز نواز نے کہا کہ حفیظ کو ون ڈے کپتان بنایا جاتا تو اس کی کارکردگی بھی سامنے آجاتی لیکن ایسا نہیں کیا گیا کیوں کے وقار یونس حفیظ کو سخت ناپسند ہیں ۔
ہارون الرشید کے حوالے سے ایک سوال کا جواب دیتے ہویئے انہوں کہا کہ وہ کرکٹ بورڈ کے ذاتی ملازم کے طور پر لمبے عرصے سے کرکٹ بورڈ کے ساتھ کام کر رہے ہئں۔سابق ٹیسٹ کرکٹر عبدالقادر نے کہا کہ چیئرمین پی سی بی نے اظہر علی کو ون ڈے کا کپتان بنایا ہے جو دو سال سے ون ڈے کھیلا ہی نہیں اور نہ ہی اس کو ورلڈ کپ سکواڈ میں شامل کیا گیا تھا اس کے باوجود کیا وجوہات ہیں کہ اس کو کپتان بنا دیا گیا ۔
انہوں نے کہا کہ سابق چیف سلیکٹر معین خان کو آسانی سے چھوڑ دیا گیا اور ان سے ورلڈ کپ میں جو کارکردگی رہی اور جو کسینو کا مسئلہ ہوا تھا اس پر کوئی پوچھ گچھ نہیں کی گئی ۔ انہوں نے کہا کہ وقار یونس نے قوم کو مایوس کیا ہے ان دونوں نے اظہر علی کے نام کی سفارش کی ہے سلیکشن کیمٹی کو جی حضور والا کپتان چاہیے اس لئے ایک کمزور ترین کھلاڑی کو کپتان بنا دیا گیا ۔ انہوں نے کہا کہ یونس خان خان کو وقتی طور پر بنگلہ دیش کے دورے کیلئے کپتان بنایا جاتا تو زیادہ اچھا ہوتا ہارون رشید کا قومی کرکٹ میں کوئی خاص کردار نہیں رہا ہے ان کو صرف نوازا گیا ہے وہ پہلے ہی نیشنل کرکٹ اکیڈمی کے سربراہ کے طور پر کام کررہے ہیں ان کی کارکردگی سب کے سامنے ہے ۔ایک سوال کا جواب دیتے ہوئے انہوں نے کہا کہ کرکٹ بورڈ بغیر اصولوں کے کام کررہا ہے اور نہ ہی اس کے اندر میرٹ نام کی کوئی چیز ہے ۔
لیگ اسپنر دانش کنیریا نے کہا کہ کرکٹ بورڈ کو ایسے کھلاڑیوں اورلوگوں کی ضرورت ہے جو ان کی ہاں میں ہاں ملائیں ۔ انہوں نے کہا کہ ایسے کھلاڑی کو کپتان بنایا گیا ہے جو کافی عرصے سے ون ڈے نہیں کھیلا ہے یونس خان کو کپتان اور اظہر علی کو نائب کپتان بناتے تو یہ قومی ٹیم کے لیے اچھا ہوتا ۔ انہوں نے کہا کہ پی سی بی چیئرمین نے کرکٹ کے لیے کوئی اچھا فیصلہ نہیں کیا اس سے کرکٹ کو کوئی فائدہ نہیں ہوگا انہوں نے کہا کہ انضمام الحق اور راشد لطیف جیسے اچھے کرکٹرز کو ایک طرف کرکے اپنے من پسند لوگوں کو بورڈ نے نامزد کیا انہوں نے کہا کہ معین خان اور وقار یونس اور دیگر کھلاڑیوں کیلئے بھی ورلڈکپ میں کئی ایشوز تھے اس حوالے سے ان سے کوئی پوچھ گچھ نہیں کی گئی اور ان سب کی کارکردگی کو بہتر قرار دیا گیا ۔ ایک سوال کے جواب میں انہوں نے کہا کہ ہارون الرشید ایک عرصے سے بورڈ کے ساتھ منسلک ہیں انہوں نے قومی اور مقامی سطح پر کرکٹ کی ترقی کیلئے کیا خدمات سرانجام دی ہیں جس کے بدلے ان کو سلیکشن کیمٹی کا چیئرمین بنایا گیا ہے ۔ انہوں نے کہا کہ ہارون رشید کا انٹرنیشنل کرکٹ کا کوئی تجربہ نہیں ہے ان کو سلیکشن کمیٹی کا چیئرمین بنانے کا فیصلہ درست نہیں ہے ۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.