برطانوی کمنٹیٹر مارک نکولس نے شاہد آفریدی اور مصباح الحق سے معافی مانگ لی

لندن (اردو پوائنٹ تازہ ترین اخباریکم اپریل ۔2015ء ) برطانوی کمنٹیٹر مارک نکولس نے ورلڈ کپ 2015ء کے فائنل کی تقریب میں پاکستان کے سابق ون ڈے کرکٹر مصباح الحق اور شاہد آفریدی کا تذکرہ نہ کرنے پر دونوں کرکٹرز اور شائقین کرکٹ سے معافی مانگ لی ہے ۔ اتوار کے روز میلبورن میں منعقد ہونے والے ورلڈ کپ فائنل کی اختتامی تقریب کے دوران انگش کمنٹیٹر مارک نیکولس نے ٹورنامنٹ میں ون ڈے کرکٹ سے ریٹائر ہونے والے سٹار کھلاڑیوں کا زکر کیا۔

نکولس نے زمبابوے کے برینڈن ٹیلر، سری لنکا کے کمار سنگاکارا اور مہیلا جے وردنے کے بعد آسٹریلیا کے مائیکل کلارک اور نیوزی لینڈ کے ڈینیئل ویٹوری کو خراج تحسین پیش کیا لیکن پھر حیران کن طور پر مصباح الحق اور شاہد آفریدی کا ذکر کیے بغیر ہی آگے نکل گئے۔

(جاری ہے)

تقریب ختم ہوئی اور آسٹریلیا کا جشن شروع تاہم پاکستانی فینز نکولس کے رویہ پر شدید نالاں ہوئے اور ٹوئٹر پر نکلولس سے وضاحت طلب کر ڈالی۔

تین دن گزرنے کے بعد نکولس نے واضح کیا کے مصباح اور آفریدی کا زکر نا کرنا ان کی غلطی نہیں، آفریدی کئی سالوں سے ان کے دوست ہیں اور وہ انہیں اور مصباح کو خراج تحسین پیش کرتے ہیں۔

I take great offence that I missed out Misbah and Afridi intentionally. Afridi is a good friend for many years. Others retired too.

— Mark Nicholas (@mcjnicholas) March 30, 2015

مارک نکولس کا کہنا تھا کہ اصل غلطی تقریب کا سکرپٹ لکھنے والوں کی ہے جو مصباح او ر آفرید ی کا نام ڈالنا بھول گئے تھے ۔

انہوں نے پاکستانی قو م کی جانب سے نسل پرستی کا الزام لگائے جانے پر بر ہمی کا اظہار کر تے ہوئے کہا ہے کہ ان پر ایسا الزام نہ لگایا جائے ، میلکم مارشل ان کے بہترین دوست تھے

Be hard as you like for my reading the script as given but don't call me racist, Malcolm Marshall was my best friend. Salute Misbah & Afridi

— Mark Nicholas (@mcjnicholas) March 31, 2015